ممكن يكون تحليل الدم سلبي و فيه حمل؟

[اوصاف]

السلام عليكم

رجعت لكممم بعد غيبه طويله المهم انا حملت بشهر 5 اللي فات

لكن ماكتب ربي واكمل سقط الجنين وعمره شهر وكان موعد الاجهاض

بتاريخ 1434/5/21

ومدة الدم 11 يوم 6 ايام كان دم و 5 ايام كان افرازات سودا ثقيله

ومن ذاك الوقت للحين ماجتني الدوره ابد ولا احس باي اعراض للدوره


اللي حسيته هو نغز مبايض على خفيف وحركه زي البرق في بطني

وبعدها وقفت الاعراض

يعني كملت الحين 43 يوم ماجتني الدوره طبعاً حسيت اني حامل وحللت منزلي ثلاث مرات

مرتين بالليل ومره الصباح ثلاث ايام ورا بعض

اللي كانو بالليل كان يطلع خط مره خفيف واللي بالصباح كان اوضح شوي مع انه خفيف

البارح قلت بحلل دم عادي مو رقمي وحللت طلع سلبي

بنات وش تتوقعون حالتي تعبت تعبت مررررره

اعطوني تجاربكم من حللت دم سلبي وطلعت بعدها حامل


الله يرزقها الحمل هالشهر اللي ترد علي

[M0ra]

حبيبتى انتى حللتى دم رقمى بيبن النسبة بالظبط حتى لو كان ضعيف
موفقة

[هواي هواه]

ياحياتي انا ماابغى احبطك .. بس معروف بعد الاجهاض ماتحصل اباضه الا بعد ماتجي الدوره بعد دم الاجهاض .. عشان كذا مااعتقد انك حامل لأن ماصار عندك اباضه اساسا.. عسى ربي يعوضك عن اللي فقدتيه عاجلا غير آجل

[اوصاف]

M0ra

شاكره مرورك وان شاءالله بعيد التحليل بكرا رقمي

واشوف

[اوصاف]

اختي هواي كيف مافيه اباضه وكل من شفت يقولي

الاباضه بعد الاجهاض على طول تجي ومدتها اطول من الاباضه العاديه

بعدين ليش يطلع لي خطين بتحليل الحمل المنزلي وثلاث اجهزه مختلفه

وليش دورتي لها 45 يوم ماجت

شي يخلي الواحد يحتار وربي

ساعدوني بنات من صار لها مثلي

[عشرينية]

43 يوم مدة مره طويلة
روحي عند دكتورتك
احيانا بعد الاجهاض تتلخبط الهرمونات وخصوصا هرمون الحليب يرتفع
وهذا كفيل انه يخربط لك الدنيا كلها

[اوصاف]

حبيبتي عشرينيه انا اول يوم اجهضت فيه على طول

اعطاني الدكتور حبوب هرمون الحليب واكلتهممم

يعني مو مرتفع الهرمون عندي

[حياتي توأمي]

أسأل الله العلي القدير الكريم ان يكرمك من واسع فضله ويعوضك خير عن اللي فقدتيه
ويجعله ربي طيرا من طيور الجنه شافعاُ لكي اللهم آآمين

[مس اسماء]

شوفي حبيبتي الوحدة لما تخسر جنين و تسقط تبي بسرعة تعوض الي راح و انا نفسك اتخيلي بنفس اليوم الي سقط فيه البيبي بالشهر الخامس و سقطت بالبيت و انا لسا غشاء البكارة موجود مو مفتوح و انا لانمت و لا ارتحت متل العالم و ماحسيت بالتعب الجسماني قد ماهو تعب نفسيي زفت و الدنيا تسكرت ورحت اركض و ادور بالنت متى اقدر احمل مباشرة بعد الاجهاض ....بس ممكن يحدث الحمل بعد الاجهاض بدون دورة لانو دم الاجهاض تحسبينه دورة لكن انتي تقولي انك حللتي دم و سلبي و التحليل الرقمي ادق بكثير من المنزلي و ممكن الي يطلع بالجهاز المنزلي هرمون حمل القديم انتي زيدي 5 ايام و اعيدي الرقمي و يارب تطلعي حامل بحمل معافى هذا الشهر قولي امين

[سيران]

ماعندي فكرة بس حبيت أدعيلك من قلبي عسى الله يفرح قلبك و يجعلك من الحوامل هالشهر...إن الله غفور رحيم على عباده...موفقة ياروحي انت وكل اخت من اخوات المنتدى