ملل مو طبيعي يتخلل حيآتي الزوجيه :-(

[دلوعه ومغرورة]

آنا صآر لي سنه 6 شهور متزوجه اول شهرين من زواجنا
كان حلو مافي ملل لكن بعدها اصبحت حياتي وروتيني ممل
زوجي بيتوتي يحب جلسة البيت ومايحب يطلع كل ماقول خلنا نطلع
يقول مالي نفس احس بكسل وغير كذا دوامه مو حلو يومين مساء ويومين صباح
اول مايجي من الدوام ياكل ويسولف معي يادوب كلمتين ويجلس على منتداه ومايكلمني مره
وبعد مايخلص من النت يجلس على الجوال حتى يجي وقت النوم يسولف معي شوي وينام حاولت
اخليه يعطيني شوية اهتمام امزح معاه يعصب علي ﻷنه يكون مشغول بمنتداه والله تعبت احس مالي
اهميه بهالحياه رغم ان عندي ولد بس ماتغير شيء بحياتنا كل يوم نفس الي قبله واسوأ هوا يجلس بالمجلس وانا ولدي نكون بالصاله اجلس معاه بالمجلس بس ولا كأن في انسانه قدامه احيانا اقول لو ماتزوجت ابرك لي من هالملل الي انا عايشه فيه احس خلاص نفسيتي زفت ماعاد متحمله بالمره انصحوني احتاج احد ينحني ويوجهني.. ]

[آوتآر]

خيتو اشغلي نفسك دامه هو مشغول ..
ماارسي هوايآتك الي كنتي تحبينهآ.. زوري جاراتك اطلعي مع صحبآتك ادخلي دور تحفيظ قرآن ..
او خصصي لك جزء تحفيظينه وتراجعين الثاني وكيذا وربي ما تلقين وقت تحكين راسك
يعني بالعربي انتي ابسسسسسسسسسطي نفسسسسسسسسسسك وخليه هو بيجك لما يحس بأنشغالك .. لا تتعودي على طلب الاهتمام
ترى القعده بالبيت هي اساس الملل ..

ترى فكره حلو انتي بعد تشتركي بالمنتدى حقوه ..

موفقه حبيبتي .. الله يسخر زوجك لك

[وسن]

الله يعينك حاولي تشغلين نفسك

لانه انا زيك هو بالمجلس وأنا وبناتي بالصاله


لكن مامل أحاول باستمرار الحين كرهته في المجلس ههه


وصرت اسوي شغلات من بيتي لنفسي ولبناتي وصرت التهي عنه

[مي &]

اختي اوتااااار ماقصرت وفت وكفت

ربي ييسر حالك

[مرهفة الإحساس]

حبيبتي اشغلي نفسك وجددي في حياتك

[دلوعه ومغرورة]

تسلمو حبايبي
بس انا ابيه يحسسني باهتمامه ومابيه يتعود على هذا الروتين
ومابي انشغل عنه اخاف ينحرف خصوصا ان عندو منتدى ابيه املله من الجلسه لوحده
ابي احببه بالطلعات بس مو عارفه كيف...

[سوزان الرياض]

قصدك ٦ سنوات
اشتري بلاك بيري وواتساب واسجلي بمنتديات
واتقفو انت وياه يومين في الاسبوع تطلعون مره غدا ومره عشاء
الله يسخرلكم لببعض

[دلوعه ومغرورة]

هوا رافض اسجل بالمنتدى نهائيا عندي ايفون وجالكسي تآب مو مقصر معي
بس ابيه هوا :-(

[فاغره]

جهزي دجاج وحركات وقولي نطلع نشوي ولا قهوه وشاهي وقولي نطلع منتزه ولا اطلبيه تتعشون برا بتدريج لين يتعود

[مغربية وافتخر]

متزوجه من 6شهور وعند ك ولد؟على العموم اشغلي نفسك باي حاجه وربنا يصلح الحال