ساعدوني يااهل الخبره.. كيف ينزل الراس للحوض؟

[الهنووووف]

السلام عليكم كيفكم ان شاء الله بخير جميعا


حبيت اسال انا حامل للمره الثانيه ولادتي الاولى كانت قيصري السبب لا ن الراس كان فوق ومانزل وكانت كل اموري تمام وقلت لي الدكتوره صعب نولدك طبيعي مع ان حوضك حجمه مناسب للولاده بس الولاده المقعديه خطره عليك وسلمت امري لله وسويت قيصري والحين حملت بعد سنه و5 شهور وماودي اولد قيصري فحبيت تقولولي اللي تعرف وشلون اتفادى نفس المشكله ودي الراس ينزل بدري واولد طبيعي الله يخليلها عيالها اللي تقولي وش اسوي واي مستشفى يساعدون على الولاده الطبيعيه ومايستعجلون في الرياض مع العلم ان ولاتدتي الاولى كانت في مستشفى المملكه والله اني من الحين خايفه طمنوني الله يطمن بالكم ومشكووووووره مقدما

[مهره الدنيا]

الله يسهلك حبيبتي وتولدي
طبيعي ياااااااااارب

[المستحيله]

توكلي ع الله وحطي ببالك انه لامستشفى ولادكتوره ممكن تنفعك و ادعي بكل صلاه ان ربي يهون عليك ولادتك وتولدي طبيعي....
اذا دخلتي التاسع امشي كثر المشي يساعد ع نزول راس الجنين... وايضا الحبي مثل الطفل يساعد ع نزول راس الجنين ...
والله يقومك بالسلامه ويرزقك الولاده الطبيعيه السهله ان شاء الله...

[ندوووش]

الله يسهل عليك ياارب

توكلي ع الله وان شاء الله ربي بيسهلهاا معك

[ام ديالأ]

نفس الحاله الحين أنا في الثامن الله يسهلها علينا يارب ونولد طبيعي

[ρυяỉтч •]

حبوبه فيه طريقيتين اكيده بعد اذن الله تساعد على تغيير وضعيه الجنين ،
اولا : كثره السجود + طولها .. اسجدي لله كثير وطولي بسجودك وباذن الله بيغير وضعيته ويننقلب
ثانيا : مسح الدرج ، درج البيت العادي خذي منشفه وامسحيه بيديك درجه درجه تمسحيها كامل < مثل الافلام المصريه خخ
وسمعت بعد الحبي مثل البيبي ، بس اللي متاكده منهم السجود ومسح الدررج
ربي يسهلها لك ويتعدل وضع جنينك ، وفيه اطفال مع الطلق ينقلب ويتعدل وضعه وربك كريم ويقومك بالسلامه

[ام اسكندر]

الحبي والسجود وكثرة المشي في الشهور الاخيرة

وربي ييسر امورك

[أم ح ــنونـہ]

انا كنت مثلك
والدكتوره وصتني بالسجوووود وقالت لازم تطولي فيه
والمشي طبعا يساعد كثير وفعلا نزل البيبي بالحوض بعد اسبوع الحمد لله
لا تخافي وربي يتمم لك على خير حبيبتي

[ملكتني بهمسك]

عشان يعدل وضعيته السجود والحبو زي البيبي وبعد ماتحبي على طول اسجدي لله وطولي بسجود ولي ينزل الجنين للحوض المشي وطلوع الدرج ونزوله والله يسهل عليك وتولدي طبيعي بسلامه

[بسمتك تكفي]

الله يعينك ويسهلك وتولدي طبيعي يارب

اول شيء كثري استغفار ودعاء وقرآة قرآن <افضل علاج