شوفتها نورت حياتي قصة ولادتي ببنوتي

[●•• ShąhǿǾǿĎ ••●]

السلام عليكم صارلي فتره مادش المنتدى اتابعكم بس بدون تسجيل دخول < مادري شالحكمه
المهم الحمدلله انا ولدت يوم الثلاثاء 6-12-2011 الساعه 2و 25 الصبح
طبعا كنت رايحه لدكتوري قبلها بجم يوم قالي ترا بتولدين هاليومين وانا حاطه ايدي على قلبي وانطررر اي علامه او عوار طبعا كان اهتمامي اكثر شي على المشي لانه يقولون وايد يساعد اما الاعشاب فكنت خايفه منها واايد المهم قررت اخذ خطوة غير المشي واشرب شي يمكن يساعد وزوجي كان كله يقولي تحركي علشان تسهل ولادتج قلت اي هين قلت اقول قوم ابي قرفه دبر عمرررك انا بخلص لاني ملييييييت من التفكير والخوف المهم جاب لي القرفه شربت والله العظيم كووب واحد بالليل يوم الاحد قعدت صبح الاثنين وانا احس بعوار خفيف قلت يمكن عادي مغص قبل الولاده لازم مشيت لمدة نص ساعه بالبيت قام زوجي راح دواامه وانا رديت فراشي نمت لي الظهر الساعه 12 بظبط قعدت احس السرير غرق ياربي شنو هذا قلت يااااااااويلي جاك الموت ياتارك الصلاة اشيل التلفونن وادق على زوجي وانا ارررررررجف من الخوف طبعا مافي شي يعورني بس الماي مو راضي يوقف وانا اشوفه وقلبي يعورني من الخرعه > جنة مادري انه بولد بولد قلت لا ماااااااااااابي ابي اتم حامل جذي انا مرتاحه بس البنت اثاااري ناويه علي اليوووم وتبي تطلع المهم قلت تعاااااااااااااال الماي مو راضي يوقف قال جااااااي الحين شوي ويرد يدق يقولي روحي مع اخووووي الحين بيجون اهو مع اختي وانا بلحقكم قلت واااااافشيلتاه والمااااااااااي <ههههههههههههههه خفت اغرقله السياره المهم شوي ويوصلون رحنا المستشفى قالت لهم اخت زوجي ولادة انا مو هني طبعا دارت الدنيا فيني وخفت من الي بيصير لاني بكريه ومادري شالي ينطرني داخل المهم فحصني دكتور مصري خبل والله هههههههههههههه قال يلهوي الكيس الي حواله الجنين اتفتح والرحم فاتح بسسسس واحد سانتي انا انصدمت وخترعت زياده بقيت ابجي الله المهم قال هتدخلي المستشفى تحت الملاحظه 24 ساعه لو مافتح هديكي طلق صناعي قلت لااااا مابي شي صناعي ابي كل شي طبيعي هع دخلت الملاحظه شوي بعدين ودوني غرفة الولادة اول مادشيت قلت ابي الحمام ولا اسمع صراخ الحريم جان اضحك واقول امبيه شفيهم هذيل الي تون والي تقول يااااااااااااااااااااارب وانا اضحك على بالي بتم جذي بدون عوار رحت السرير حطت لي السستر تخطيط حق البيبي من الظهر الساعه 2 انا بغرفة الولاده لي الساعه 2 و25 بليل يالله ولدت الحمدلله طبيعي وبدون طلق صناعي ولا شي مع انه صارة الساعه 10 بليل واهم يقولون 2 سانتي بس شكله فتح مره وحده بسرعه طبعا انا طلبت ابرة الظهر من الساعه 6 المغرب قالو دكتور التخدير مو فاضي بالعمليات والله من 6 طلبتها ماعطونياها لي قبل الولادة بشوي ماحسيت اني خذيتها واستغربت حدي كنت ابجي واصارخ اقول لهم انا مو خذيت ابرة الظهر ليش العوار ماراح ولا خف حتى طلقتين بعد الابرة مافي شي الثالثه حسيت بالبيبي يبي يطلع وبدا يخليني ادفع غصب اقول حق السستر شنووووووووو هذا قالت ولاده يالله شدي قلت شنوووووووو توه 2 سانتي والابره ماخذت مفعول مادري استانس اني بخلص ولا اصارخ من العوار الي قاعده احس فيه قلت العوار ماراح يروح شدي حيلج وساعدي البيبي علشان يطلع وابلش ادفع بكل طاقتي لين طلعتها والله العظيم قلت بنفس اللحظه صج لما يقولون بس يطلع الياهل ماتحسين بشي لمن كان بيطلع بقيت اموت من العوار بس طلع ماعدت احس بشي شي نفس السحر قلت لها شنو يبت قالت بنت شوفي انتي شنو يجيب قلت لها زينه مافيها شي قالت زينه مافي شي شوفي شفتها الحمدلله وارتحت خذتها واهي بعد عمري تبجي جان انااااام يت الدكتورة بتخيط قلت لها اخذي راحتج تصبحين على خير هههههههههههههه والله اني نمت مادري من التعب مادري من ابرة الظهر اهي تخيط نمت ماحسيت بشي كنت بس ابي تلفوون علشان اقول حق زوجي تعال انا خلصت وكنت ابي البيت وربي تذكرت امي وقلت هذي لو اقعد طول عمري اعوضها عن هالعوار ماراح اوفيها بعد عمري صج حسيت بقيمتها لانه العوار الي شفته وربي يابنات اني انصدمت قلت شنو هذا معقوله في الم جذي ممكن يتحمله الجسم سبحان الله اليوم قاعده اكتب لكم القصه وماحس الا بعوار الخياط شوي بس شوفة بنتي كل شوي تنسيني كل التعب الي حسيت فيه والحين بروح ارضعهاااااا لانه قاعده تبجي يالله والفال للي للحين ماولدو ياربي تكوووونن سهالات ولاتخافون ترى صج العوار جايد بس له وقت يعني حطي ابالج انه لحظه وبتعدي هذي قصتي بس والسموحه طولت عليكم .