ساعدوني الله يخليكم ...نزول قطرات من ماء الجنين فالشهر الخامس للمره الثانيه!!

[جولييت]

السلام عليكم ورحمة الله وبركاته

ياليت تساعدوني والي ماتقدر تساعدني لاتنساني بدعوه في ظهر الغيب

انا الحين فالشهر الخامس ومن فتره زكمت وكنت اعطس بقوه ونزل من ماء الجنين مرتين بس قليل((تكرمون حطيت 3اوراق كلينكس وصارت كأني ساكبه عليها ربع كاس ماي!))
رحت الولاده وخبرت الدكتوره وسوت كشف رحم وسونار وقالت مافي شي يتهيألك بس في التهابات وعطتني تحاميل 3حبات <<هالكلام قبل 3 اسابيع تقريبا

وامس جاني الزكام ونفس الشي اعطس بقوه والساعه4 ونص الفجر بعد ماصليت نزل مني ماءوبعدها نزل مرتين

امي تقول يمكن تتوهمين انها ماء الجنين واهو شي ثاني

بحملي الاول نفس الحاله نزل مني ماء فالشهر ال6 وال7 و9 وعرفت كيف يكون ماء الجنين والحين متأكده ان هذا ماء الجنين وش اسوي عشان يوقف ولايصير فيني مثل حملي الاول؟!!!!

ساعدوني ارجوكم....والله خايفه كثير والمغرب بروح الولاده بس خايفه يصير فيني مثل ماصار لي بحملي الاولي ويهملوني ولايهتمون للماء الي نزل كذا مره في كذا شهر وتكون ولادتي قيصري لاسمح الله

ارجوكم لاتبخلون علي والله قلبي بيوقف من الخوف شسوي؟

[دوده123]

الله يتمملك حملك ويثبته ان شاءالله انا ماعندي خبره والله

[بنت الشام]

الله يكملا معك بالهنا

[ابتسم وبداخلي مليون طعنه]

شوفي يالغلا انا صار لي في حملي بولدي مثل ما صار لك ورحت لدكتوره وقلت لها اني مزكمه وعطست بقوه وطلع مني مويه فحصتني وقالت كل شئ سليم وسالتني هل قبل ما تعطسين رحتي دورة مياه قلت لها ايه قالت هذا سبب نزول مويه مع العلم ليست موية الجنين المويه الي انتي تحسين فيها يالغلا هي المويه المتبقيه من الوضوء الان المنطقه تكون فترة الحمل مترخيه فاثناء الوضوء تسحب مويه داخل واي عطسه قويه او كحه تطلع فلا تخافي يالغلا
وهذا هو ولدي ولدته طبيعي وما كان عنده اي نقص في مويه انتي تطمني وما عليك الا العافيه والله يقومك بسلامه
بقولك شئ مضحك
من قوة الخرعه لما نزلت علي المويه اقول لدكتوره تعطين شئ قالت ما يحتاج هذي موية الوضوء نزلت مع العطسه قلت لها طيب ما في علاج للعطاس خخخخخخخخخخخ قالت لا والله الى الان ما اكتشفوا علاج للعطاس للكحه فيه بس عطاس لالا شفتي كيف الحمل خلانا نهوجس هههههههههههههههههههههه

[ابي بنوته خدودها مليانه]

جاوبوك البنات

كلنا تنزل منا مويا بس معتبرينه عادي

كل شئ يجي في الحمل


الله يثبت حملك ويسهل ولادتك

[جولييت]

مشكوووووورين يابنات على ردودكم ودعواتكم

ابتسم وبداخلي مليون طعنه..مشكوووره فديتك والله ريحتيني كثييييييييير ربي يريحك ويحفظك

اليوم رحت للدكتوره وقالت لي هذا الالتهابات على شل مويه وكتبت لي تحاميل والله كريم

ربي يعطيكم العافيه ويقضي حاجاتكم ويوفقكم في كل خطوه

[poucie]

الله يثبت حملك انشاء الله

[ملكة الاحساس]

انا صار معايه نفس الشي والدكتور قال طبيعي هذه التهابات عايدي لاتشيلي هم ربي يتمم لك على خير

[لاتيه السعوديه]

والله ياعمري ماعندي خبره بس ان شاءالله ربي يثبته ويتمملك على خير الافضل انك تراجعي دكتوره ثانيه اذا الدكتوره الاولى مهمله والله يسهلك يارب

[سيده بالونه]

ياربي يثبت حملج وتولدين طبيعي بس كثري من الدعاء وقيام الليل في الثلث الاخير من الليل.وبأذن الله كل شي بيصير تمام