ابوي رحل وماتودعنا

[تفاحه]

رحل وماتودعنا ابوي ماشفته قبل لايرحل ويتركني
رحل والدمع متجمد في محاجرنا واخر صوره في عيني تعذبني
رحل وتكسرت خواطرنا ابوي معاد معاي اليوم يراضيني ويدلعني

خلاص انتهى كل شي ولو اصرخ بعالي الصوت سامحني ماعاد اليوم يسمعني
ثمان سنين وانا عايش على ذكراه رحيل مر في الاعماق يعذبني
ابوي مات وانا ابكيه كل ليله دموع الخد ماتكفي تطفي ناري وحزني
اخاف اضيع في بحر الهواجس وانسى كل من حولي ولا الاقي احد يمد اليد ينقذني
احس اني بدون حسه وحيده بدنيتي واحس اني فقدت انسان يسندني
نسيت النوم ياالغالي اداري دمعتي بالليل وهالذكرى تجمعني وتنثرني
ابوي الي يقول انتي ريحانة قلبي وعمري وانتي اخر العنقود وروحي فيك ويحضني
رحل وانا انتظر جيته عالباب ولا جاني ولا شفته سوى محمول عالاكتاف وصورة قبره الي ماتفارقني
رحل بس عايش فيني اشوفه في عيوني وقدره في فؤادي فوق كل الناس متعلي

رحم الله ابي وكل موتى المسلمين

(تفـــــــــاحه )