بنات الحقوني دخلت التاسع ووزن بنتي ناقص مره والدكتوره شكلها تبى تولدني قيصري

[Ḿٱ۾ڵيڼٱỄ]

السلام عليكم ورحمة الله وبركاته

بنات اليوم الاربعاء رحت المستشفى وياريتني مارحت الحمدلله على كل حال

عملتلي الدكتوره سونار وقالتلي انو وزن بنتي 1.300 يعني كيلو وربع
وانا من زمان بحاول ازيد وزنها وسبحان الله يارب مو راضي يزيد الوزن وانا والله العظيم باكل كويس مره

والحمدلله تطمنت انو راس البيبي سار تحت يعني تباشير ولاده طبيعيه

لكن : الدكتوره شكلها مو ناويه خير الله يستر جلست تكلمني على ابر عشان تولد بنتي بدري وانا بصراحه خفت منها بعدين قالت ممكن نولدها قيصري عشان وزنها صغير وممكن تحتاج رعايه خارج الرحم وانها ماتقدر تدفع وجلست تتكلم زي كذا
بعدين قامت قالت خلاص انتي اعملي اشعه سونار عشان نشوف الدم يوصل للجنين كويس ولا لا <<< المشكله كل اسبوع وانا اعمل سونار يعني كل الاسابيع اللي فاتت وانا اعمل هادي الاشعه وتكلفة الاشعه الوحده 600 ريال وفوق
ورحت عملتها وقلنا امرنا لله
ولما عملتها الدكتوره الثانيه حقت الاشعه قالت كل شي في البيبي سليم والدم يوصله كويس يعني مافيه أي مشكله ابدا
من وقت ماخرجنا وانا نفسيتي تعبانه مره ومعصبه ومقهوره
شكلها الدكتوره تبغى تضحك عليا وبس تلهط فلوس ومره عادي عندها
انا يابنات مو مشكله اني اعمل اشعه لما تكون ضروريه لكن كل اسبوع نفس الاشعه؟! ونفس النتيجه ؟!
يعني الحمدلله بنتي كويسه ليش كل شويه بس اشعه ولهط الفلوس
لا وتتكلم بكل ثقه انو ممكن تولدي قيصري عشان انو الجنين مايقدر يدفع بالولاده الطبيعيه

بنات قلبي محروق مره يعني بالله تخيلو : الجنين صحته سليمه والحمدلله مافيه مشاكل اللهم انو بس وزنها قليل وانا بتغذى كويس ولله الحمد وبحاول اكل عشان يزيد الوزن
وراسها تحت يعني مو راسها فوق ولا على جنب عشان نقول طيب امرنا لله نعمل قيصري
يعني صحتها سليمه ووضعها طبيعي ليش تبغى تولدني قيصري ؟؟!! ومره مصره وبس تتكلم عن الابر والولاده القيصريه اعوذ بالله

متضايقه مره والله اعوذ بالله من الشيطان الرجيم

زوجي يقولي نصبر الاسبوع الجاي مراجعه نشوف ايش مويتها حسينا انها حتنصب علينا نغير المستشفى نروح مستشفى ثاني اهم شي نصبر عشان ناخد نتايج السونار اللي انعمل دحين

طيب انا خلاص دخلت شهري التاسع ومن اول الحمل وانا اتابع عندها من اول شهر والله تخيلو يابنات يعني خلاص رحتلها وانا مغمضه وقلت ان شاء الله خير يارب وانصدم بيها كذا معاملتها وعدم صبرها ؟!
طيب فين أروح ؟!! ابغى دكتوره تولدني طبيعي وتصبر عليا ما ابغى قيصري ابدا

بعد ماحكيت قصة حياتي عندي سؤالين بس

الأول : فين احصل دكتوره بجده كويسه وتولد طبيعي وتصبر عليا ؟
انا اتابع بالاطباء المتحدون وياريت تقولولي على دكتوره ثقه ومجربينها كثير

الثاني : مين ولدت ووزن جنينها كيلو وشويه ؟؟ وكيف حيكون الوضع هل يحتاج حضانه ولا عادي ؟

[عبير 99]

شوفي ياقلبي
الاهلي ضروري يرعبونك ويطلعو بقصص ولصالحها تقلك قيصري لانها هي الربحانه
نصيحتي روحي لمستشفى حكومي كبير
والله يسخرهم لك عندهم اخلاص


ثانيا انتي بكريه سمعت انو يسير وزن البيبي للبكريه صغير
وطالما انك دخلتي التاسع كل تلات ايام يزيد وزنه
فنصيحتي تاكلي موز وبرتقال يقولو يزيد وزن البيبي



وربي يفرح نظرتك ويطمن قلبك

[عمة رورو]

شوفي حبيبتي انا قالتلي الدكتوره مثلك قالت السونار معطي البيبي كانه بالسابع وانا بالتاسع صغير مرة وقالت حجمه مش طبيعي وخوفتني رجعت للبيت ابكي من كثر الخوف والحمد لله كثرت اكلي وحاولت اكمل التاسع ليكبر الجنين والحمد لله ولدت ووزنه كيلوين وشوي وبكامل صحته

[يمكـ دروبي]

ما عندي خلفيه ..
بس ما حبيت ادخل واطلع بدون رد ..

الله يكتب لك اللي فيه الخير حبيبتي ..

[الرشا]

ماعليك منها غيري الدكتورة .. وروحي لحكومي ازين لك ..

وبعدين انتي تشربي اسبرين ؟؟؟

[عطر العاشقين]

من رأيي روحي حكومي تأكدي لان الخاص همهم يأخذون الفلووس.

وأنشاء الله ما قدامها الا العافييه

[جمره غضى]

الحليب و الموووز والعدس

كثري منها تكببببر الجنين باذن الله

واذا مو مرتاحه للدكتوره ذي الحقي على عمرك وروحي طبيبه ثانيه

واستخيري الله سواء طبيعي والا قيصري

[متغربه]

مثل ما قالوا الأخوات روحي حكومي ولا تنتظرين..

[فليك]

يا غاليه لا تشيلي هم
لكن ضروري تغيري الدكتوره و المستشفى ، في جده والله ما اعرف افضل دكتوره
بس ادعي ربك انك تكملي التاسع كله لان كل ما جلس الجنين في البطن مده أطول كل ما آخد كفايته لصحته .....
اشربي كل يوم حليب بالموز و حليه بالعسل بدل السكر و كلي زبادي كامل الدسم يفيد الجنين كتير .....
و لا تردي على هالدكتوره ، صدقيني رح تجيكي البنوته بكامل صحتها و عافيتها و بأفضل حال بإذن الله ، اهم شي تكملي التاااسع كله عشان تاخد كفايتها ....
الله يطمنك و يطمننا عليكي يارب

[ام الهادي]

وعليكم السلام ورحمة الله وبركاته
يا حليلك ام لينا والله حزنتيني كتير وربنا يسهل عليك وانشالله كل وزنها طبيعي وتولدي طبيعي
كلي تمر كتييير لانه بزيد وزن البيبي وكمان حلاوة طحينية وعموما الحلويات بتزيد الوزن
وانت روحي حكومي احسن وتطمني اكتر وربنا يكون في عونك حبيبتي