ساعدوني .. قاعده اجهض

[المستشارة]

السلام عليكم ورحمة الله وبركاته

" اللهم آجرني في مصيبتي .. واخلف لي خيرا منها "

بنات انا من قبل 3 ايام نزل علي دم مع إفرازات بنية
وكان عندي موعد مع الدكتورة .. يوم فحصت قالت لي ان الجنين متوقف نمو من بداية الحمل .. لاني توني تقريبا شهرين والمفروض في الثالث بس شكل الجنين
ما تغير من قبل اسبوعين ولا فيه نبض

الحمدلله على كل حال

المهم قالت لي دام في دم يعني بينزل خلال سبوع او 10 ايام واذا ما نزل بسوون عملية تنظيف ..
البارح كان عندي آلام في الحوض والظهر واسفل البطن يروح ويجي والفجر حسيت بأشياء قاعده تنزل قلت يمكن الدم زاد
قمت اغير ملابسي الا اشوف قطع حمراء كثيرة ومن بينهم قطعة حمراء طويلة فعل هذا الجنين والا ؟؟
وما ودي اروح المستشفى الحين ابي اول شي ينظف كامل بعدين اروح لهم
شوروا علي شنو اسوي وشنو الاعشاب المفيدة ؟؟قريت ان شاي البابونج زين
والبارحه شريته بس للحين ما استخدمته ؟؟ في احد استخدمه والا يعرف عنه شي تكفون خبروني ..
تراني خايفة وانا بكرية وهذا اول حمل لي بس الله ما ارداه يتم .. والحمدلله على كل حال .. وانا ما ابي اشغل بال امي حبيبتي لانها من درت ان الجنين ميت وهي خايفه علي

مالي الا انتوا.. وطمنوني هل في احتمال اني احمل بسرعة لاني خايفه
وعملية التنظيف ما ابي اجربها لان يقولون تأثر عالرحم والحمل

اللهم اني اسألك الرضا بعد القضاء
اللهم اني اسألك الرضا بعد القضاء
اللهم اني اسألك الرضا بعد القضاء

آسفه على الاطاله