الحمد لله ربنا شفانى من التشنج المهبلى الارادى

[mum.to.be]

السلام عليكم ورحمة الله وبركاته

انا بكتب الموضوع لكل واحدة ربنا ابتلاها بالتشنج المهبلى الارادى مثلى والحمدلله ربنا شفانى وربنا يشفى كل واحدة بتعانى ويتمم عليا شفائى ويرزقنى ويرزق كل واحدة بالحمل السليم المعافى.

بدأت معايا المشكلة من اول يوم زواجى بسبب الخوف الشديد من الايلاج وفضلت كده لمدة 6 شهور عذراء، قرأت عن طرق العلاج كتير والموسعات بس معرفتش اشترى الموسعات وكمان عشان الغشاء لم يفض فمش هاعرف استخدمها، وسيبت نفسى براحتى وجوزى مكنش بيضغط عليا بصراحة كان سيبنى براحتى والشهور بتجرى ومفيش اى تقدم بس الشهر الفات قررت انى مش هسيب نفسى كده مش هينفع نعيش حياتنا بالشكل ده واكيد نفسى احمل بس الخوف الشديد منعنى من كل حاجة، المهم نذرت لله ان لوشفيت بإذن الله هانشرتجربتى عشان كل واحد عندها المشكلة دى تستفيد وربنا يشفيها.

طبعا قبل كل شىء التوكل على الله وتفويض امرنا لله والدعاء ليلا ونهارا والعزيمة القوية والثقة فى الله وفى نفسك انك تقدرى تقومى بالموضوع ده زى اى ست.

اولا كنت بكلم نفسى ليل نهار انى اقدر اعمل الموضوع ده وانو سهل جدا ومش بيسبب الم خالص بالعكس ده ممتع جدا؛ الموضوع ده نفسى فانتى لازم تقنعى عقلك ان الموضوع ده سهل وبسيط جدا وكتر الكلام ده هيخلى عقلك لا اراديا يقتنع ان مفيش الم ولو اقتنع مش هتشدى عضلة المهبل وبالتالى فعلا مش هتحسى بالام هتحسى اه بألم بس محتمل وده طبيعى حتى تتوسع فتحة المهبل ان شاء الله.

ثانى حاجة اقل منطقة احساسا باﻷلم هى اخر فتحة المهبل ودى عن تجربة بصراحة الالم بيكون بسيط جدا كل ما جوزك يحاول الايلاج فى اخر المهبل.

استخدمنا زيت الزيتون كمرطب مهبلى وبصراحة فرق معايا كتير بيسهل جدا الايلاج وكمان هو مهدئ للالم والجروح.

اول مرة تم الايلاج اخدت قرصين ريلاكسون relaxon ده مرخى للعضلات قبل الايلاج بساعتين وشربت يانسون لتهدية الاعصاب وفعلا تم الايلاج للنصف الحمد لله.

تانى مرة اخدت قرصين باندول اكسترا قبل الايلاج بساعة وبرده كوباية ينسون او كاموميل اى حاجة مهدئة للاعصاب والحمده لله تم الايلاج ﻷكثر من النصف.

غسيل المنطقة بماء ساخن على قدر التحمل قبل الجماع مباشرة بيهدى المنطقة الحساسة و بيرخى العضلات.
وبعد تانى مرة مبقتش باخد اى ادوية ولا اى حاجة والوجع محتمل الحمدلله.

وقبل الموضوع بنصلى انا وزوجى ركعتين وبندعى كتيييير وينقرأ المعوذتين وبنبدأ والحمدلله ربنا كرمنا بس طبعا لسه بحس بألم محتمل بس اكيد مع الوقت هيروح ان شاء الله

بي عايزة اقول حاجة لو واحدة عندها مشاكل صحية تتأكد قبل ما تاخد الادوية
ادعولى ان اطلع حامل الشهر ده

[ماما حياتي]

الحمد لله
والله يسعدك ويتمم لك على خير
وبرزقك الذريه الصالحه

["ام تولين"]

ان ششاءء الله تكوووني حامل

[حياتي توأمي]

الله يفرح قلوبكم يارب
بس عندي سؤال انتي بعدك عذراء ولا كيف ؟؟ بصراحه مافهمت اذا صار جماع فعلي لحدوث الحمل أو لا؟؟؟!!!

[ثقتي بربي تغمرني]

ربي يرزقك الذريه الصالحه

[يآ أرحم الرآحمين]

الله يرزقك الحمل هذا الشهر

[mum.to.be]

ربنا يخليكوا يا ينات ويرزقنا يالذرية الصالحة الطيبة المعافاة عاجلا وليس اجلا يا رب العالمين

حياتى توأمى الايلاج تم كاملا ولكن الغشاء لم يفض الى الان غالبا غشاء مطاطى بيتسع مع الايلاج ولا يفض

[أم بندر الحلو]

الحمد لله على كل حاااال
الله يرزقك بالذرية الصالحة السليمة عاجلاً غيير آآآجل
الله يتمم لك على خيير

[mum.to.be]

شكرا ام بندر رينا يثبتلك حملك ويحفظلك جنينك من كل مكروه وسوء

[رورو15]

مو شرط ينزل دم وقت فض غشاء البكاره بالذات لو كان مطاطي
وان شاااء الله تبشرينا بحمل قريب