بعد مامرت شهور .. الله رزقني الغاليه حور وباركولي يا حضور

[أم ترتيل]

السلام عليكم ورحمة الله وبركاته
كيفكم حوامل وحشتوني ووحشني المنتدى وااايد .. طبعا الكتاب يبين من عنوانه وولدت والحمدلله من تاريخ 21-10-2011 تقريبا شهرين بس وايد انشغلت وبالبيبي وظليت في بيت ماما فتره طويلة والحين شوي فضيت فقلت اكتب لكم قصت ولادتي ..

تاريخ 20-10 الساعه 4 العصر كان فيني طلق خفيف حسيت فيه فقلت اكيد تقلصات عاديه وطنشت الموضوع , لما اذن المغرب قلت خلني اروح المسجد وكان جديد توه مفتوح فقلت بروح اصلي هناك وكنت في بيت ماما ركبت الدرج 3 طوابق وصلت دايخه حدي حتى ماقدرت اصلي جماعه وقمت صليت بروحي والالم يجي ويروح كل نص الى ربع سااعه , خلصت ورجعت بيت ماما ووقتها كان عازمة اخواني وزوجاتهم على العشاء وماكان لي نفس أكل وظليت الى الساعه 10 ونص والالم يزيد قالوا لي اشربي زيت الخروع وياريتني ماشربت لانه وقت الظلق تأذيت كنت على طوول بالحمام المهم ماقدرت اتحمل الالم وانه منسدحه واتعصر الى الساعه 3ونص الفجر قلت لزوجي خلااااااااااااص وصلت حدي ودني المستشفى ورحت المستشفى قالت روحي لتخطيط واتصلت بالدكتوره وقالت بتجيك حقي وقمت اصاااارخ الا تقول 4 سم خلاص تنويم ماتروحي البيت ,, وظليت اعاني لحد الساعه 11 الظهر الا تقول الدكتوره الطلق بارد وعطوني في الوقت الي طاف سيلان وحبوب طلق صناعي ولا في فايده المهم لحد الساعه 11 قالت لي بجيك وبها كنت 6 سم وقامت وبطت كيس الماي ووسعتني 8 سم ,, وابتدا يجي الالم قوي وحسيت روحي بتطلع من الالم خخخخخ وحتى مسكت الفراش ومزقته بأسناني , لحد ماوصلت 10 سم وقمت اصاارخ , جت الدكتوره والممرضات قالوا ولاده بسرعه ادفعي 1, 2, 3 الا طلعت حوووور واهي تصيح وكانت احلى لحضه بحياتي وحطوها على صدري وانه اصيح اصيح مو مصدقة انه ولدت هههه الحمدلله رب العالمين وبعدها خيطتني وودني الغرفه وانه مبسوطة الحمدلله رب العالمين والله يسهل على كل حامل يارب وسوري على الأطاله ... انتظر تعليقاتكم