مشروع الرومنسيات

[كلش ماحبيت]

السلام عليكم ورحمه الله وبركاته


خواتي مالي الا الله ثم أنتم

أنا ودي أبداء بمشروع الرومنسيات أنا ووحده معي
الفكره أنو الي ودها تغير الروتين أو عندها مناسبه بينها هي وزوجها وبتسويها مفجأه تتصل علينا وننظم لها الأغراض الي محتاجتهم بالحفله كل الرومنسيات
ما أدري أيش رايكم بالمشروع تتوقعون عليه أقبال ولا لا
وياليت الي تقدر توفر لنا الرومنسيات بالجمله تساعدنا

بأنتظاركم

[مهره الدنيا]

مووووووووفقين ان شاءالله
والمشروع حلوووووو

[سيده اعمال ناجحه]

التجاااره حلوووه وفيها فايده ومشرووعك حلوو والله يووفقك
بس مكاان موضوعك غلط لو حاطته بالقسم التجااري كان فادووك البنات اكثثر

[مشاعل الدوسري]

انا شخصيا مقبله على اني افتح محل انشالله يكون فقط لتنظيم حفلات الاطفال و تجهيزات المواليد توزيعات و مفرش و الخ
و تنظيم ليالي زوجيه ..
حبيبتي فكره حلوه لكن تتطلب جهد في الاعلان و على حسب ثقافة المنطقه ابدي بأهلك يعني بنات العم الخال
و هم بيقولون لصحباتهم و جيرانك الخ ..

و على حسب ثقافة اهل المنطقه بعد ..

تبين تعرفين اذا المنطقه اللي انتي فيها متحمسين و محتاجين

انشري استبيان و وزعيه في الحاره و اكتبي فيه اساله ..

اللي تخص المشروع

مثلا :

هل تحتاجين لكسر الروتين و الممل بينك و بين زوجك ..؟

هل ترغبين بلحصول على تنسيق ليله رومنسيه دون عناء ..؟

مثل هذي الاساله سويها في المجمعات

و الحرمه الللي تقولك مؤيده لهذا الشي عطيها رقمك ..

و الحرمه اللي تستنكر هذا الشي عطيها رقمك و قوليلها ممكن تغيرين رايك في المستقبل و هيك شغلات ..


اهم شي الامانه و عدم المبالغه بلاسعار


المعروف انه بين ال 2000 و ال 3500 مع فندق يعني على حسب

ممكن تقولك ابي اسوي حفله بفندق سعر الفندق 1200 او 1500

و تبي تزين بلشموع و الورد و الشرايط و ناموسيه الرومنسيه

طبعا كل شي بسعره

شموع مثلا 30 ريال الشرايط 30 الناموسيه تجيك في 150 الى 250
البالونات 40 ريال ..

احسبي اسعار الادوات الفندق الشموع الشرايط الناموسيه البالونات 1200+ 30+ 30+ 150+40 =1450

تبي اضافات تدفع مثلا كيك نافورة الكاكاو مع فواكه

النافوره هذي تسوينها اجار لها مو تشتريها ..

تبي عشاء و انتي بتنسقينه و بتزينين الطاوله كل شي بسعره


بعدها تحددين كم سعر شغل تعبك
مثلا مثل حسابنا اللي قبل اوكي 1450 هذي الادوات ضيفي 1200 تعبك انتي تبين اكثر انتي و شطارتك
و اذا اسالتك و قالت غالي قوليلها انا
موفرت لك كل شي بسعر السوق انا مجرد توفير للتعب و الوقت و تنسيق احلى و ارتب و هيك بتقتنع

و انتي و شطارتك الله يوفقك عموما ..

[كلش ماحبيت]

ان شاالله راح نبدا بس يبغالنا الاعلان

[ام باسل2010]

موفقين ان شاء الله ومشروع حلو