اجهضت توني وعمر البيبي اقل من شهر

[facebook]

السلاام عليكممم

انه اجهضت توني وعمر البيبي اقل من شهر ( هذا اول حمل )
يعني نزل علي مثل الدورة تقريبا بس مدته اطوول

ابيكم تجاوبون على اسئلتي هذي الله يرزقني وياكم ان شاءالله

الدم لمتى بيتم ؟؟ اليوم ثامن !
بس صار خفيف الحين
يعني اذا طول اكثر عادي والا اروح للطبيبة احسن ؟
الدكتورة عطتني مضاد وحبوب للالم و حبوب حديد

السؤال الثاني ,, الدكتورة قالت لي لازم انتظر 3 اشهر بعدين احاول احمل مرة ثانية
بس أهل الخبرة قالو لي عادي حتى لو من هالشهر لأن الجنين كان صغير وفرصة الحمل بتكون اكبر ؟ من صار لها مثلي وحملت بعد كم من الاجهاض ؟

السؤال الثالث والاخير ؟

قلت لكم الدكتورة عطتني حديد ( قريت في الوصفة ان الحوامل ياخذونه بعد )
المفروض استخدمه شهر كامل .
اذا صار حمل هالشهر ,, مافي مشكلة استخدمه صح ؟؟

اتمنى تجاوبونيييي !

[فتاة السعادة]

هلا حبيبتي الله يعوضك خير ان شاء الله
انا بعد توني مسقطه والجنين عمره شهر بس انا سويت تنظيف
سمعت ان كثير حملو بسرعه بعد الاجهاض وتم حملهم ولله الحمد
بس الافضل انك تصبرين عالأقل لمن تجيك الدوره عشان تتأكدين ان الرحم نظف ومافيه بقايا
قالت لي الدكتوره اذا ناويه تحملي ابلع حبوب حمض الفوليك والحين صار لي من سقطت وانا ابلعهم حتى حبوب الحديد مفيده وتعوضك عن الدم اللي فقدتيه وعادي حتى الحامل تبلعهم
انا الحين جاتني الدوره مره بعد الاجهاض واتمنى مااشوفها ثانيه موعدها الجاي 1 ذوالحجه
ان شاء الله اكون حامل
الله يرزقنا بالحمل السليم المعافى

[facebook]

هلا حبيبتييي

ان شاءالله الله يعوضني معاج
وان شاءالله يا رب ما تشوفيها الا بعد 9 شهوور

انزين حبيبتي الدورة لما نزلت ,, نزلت في موعدها ؟
يعني انه دورتي 30 يوم
نزل دم الاجهاض تاريخ 13 - 10
بتنزل دورتي 13-11
؟؟
او بيتغير كل شي ؟؟؟

ودم الاجهاض نزل عليج جم يوم ؟؟

[فتاة السعادة]

اهلين
آميييييييييين يارب يسمع منك
انا صراحه دورتي مب منتظمه حيل سويت الغسيل في تاريخ 28 رمضان وطهرت بعد ست ايام عدد ايام دورتي
وجاتني اول دوره بعدها في 1 ذو القعده بس جات قويه
انتي روحي راجعي عند دكتوره بعد عشان تتأكدين اذا مافيك التهابات عشان يمديك تعالجيها

[ام اسكندر]

عادي الدم يكون اكثر من الدورة ببعض ايام وخلاص
والحديد استمري عليه لانه كويس لتكوين وتعويض الدم اللي فقدتيه

وبالنسبة للحمل كله ع حسب صحة رحمك
في حريم يحملو بنفس شهر الاسقاط ومايصير شي
وبعضهم لو حملو بنفس الشهر يكون حملهم مهدد بالاسقااط لان الرحم مازال تعبان

الله يعوضك خير يارب

[برّو !]

ياحياتي انا زيكم اجهضت الشهر الماضي بنزيف
ومن دون تنظيف جاتني الدورة الاولى بعد الاجهاض لاني كنت اخذ بريك
لننفسي
واتمنى انها هالشهر ماتجيني بقى على موعدها قلييييل
الحديد سواء حامل اولا استخدميه
امممم اول دورة جاتني بالم فضيييييع بس ماطول
عن الايام العادية
الله يكتب لنا الحمل هالشهر وياكم
بالتوفيق حياتي

[facebook]

بروو

ان شاءالله ما تشوفينها الا بعد 9 شهوور يا ررررب