قصة ولادتي بفلذة كبدي ( رضا ) بالتفصيل الغير ملل هع

[هدوء انثى]

السلام عليكم ورحمة الله وبركاته

مراااااحب ومن غير مقدمات هع..
انا من حوامل محرم 6-1-1432
بإختصار ..انا ولدت بعملية قيصرية والحمدلله على كل حال
وفي الشهر السابع تحديدا ظهر لي بالسونار انو البيبي رجليه تحت وراسه فوق
لكن الدكتوره طمنتني انو طبيعي لانه يغير وضعيته بين فتره وفتره
واخذت نبض في الشهر الثامن وعرفت الدكتوره انو ماغير وضعيته لكنها طمنتني بعدددد
وبالشهر التاسع بالسونار ماتغير وضعه وخبرتني انو خلاص مافي مجال للدوران وراح اولد قيصري ..قالت لي كثري من المشي ومشيت لكن كم يوم بس..
المهم..
قبل ماتعرف الدكتوره انو الولاده قيصري كانت محدده لي تاريخ ولادتي في 20 شوال
لكن بعد علمها حددت لي 8 شوال لاجل تعمل سونار واذا ماتغير تحولني لمستشفى الولاده
طولت الهذره مووو هع ..وصلنا للنهايه..
نزل علي بتاريخ 29 رمضان ماده غريبه وكأنها عجينه شفافه من غير دم وشكيت انها سدادة الرحم لكن ماخليتها في بالي ..
بعد يوم اللي هي ليلة العيد نزل علي دم بني قليل قبل صلاة المغرب مع الام عندي في ظهري وبطني وتكرمون اسهال كل نصف ساعه,...خفتتتتتت كثيررررررررررر وكان زوجي موجود عملت بحث بالنت وطلع لي انو من علامات الولاده وقال زوجي كلمي الماما وخبريها قلت لا خلني اتأكد من اخواتي قبل واتصلت على اختي وفجعتني بالخبر ههه قالت خلاااااص ولاده لازم تروحين تفحصين..طبعا مارحت ع طول خلصنا الفطور قبل ونزل دم بني قليل مره ثانيه وعلى الساعه 9 اخذني زوجي للمستشفى ..وماكنت متوقعه انها ولاده ..
دخلت المستشفى وعملوا لي قياس للرحم وسألتني الدكتوره وين راسه ههههه قلت لها فووووق ورجليه تحت قالت وليه تو تجين خلاص ماما تنويم وعمليه لازم
اه يمه مااقدر اوصف شعوري بهاليله المرعبه من جد ..
راح عني زوجي وحسيت اني وحيده وجلست ابكي وحسيت اني بموت في العمليه وكل الشعور جاني..
المهم ..عملوا تخطيط للجنين وشافوا انو فيني طلق مع انو القياس كان 1 سم بس
وجاء الدكتور اللي بيعمل لي العمليه وعمل سونار وقال خلاص بعد ساعه العمليه يممممممه ياربي شيء يخوف من جد بيفتحون بطني ويطلعون جنين؟؟

باليوم الثاني فجراااا بيوم العيد كانت ولادتي 1-10-1432

جهزوني للعمليه ومن سرير الى سرير وهذه الحركه الفاشله ماعجبتني هع
ودخلنا غرفة المجزره ههه قصدي العمليه وركبوا علي البنج الكامل بناء على طلبي ورفعوا الملابس وتشهدت وبعدها ماحسيت بعمري ..
كان وقت العمليه الساعه 5 نصف وصحوني من البنج الساعه 8 ..واول ماصحيت ماكان فيني نفس كنت اشهق بقوة ومافي اكسجين تجمعوا على الاطباء وقالوا لي تنفسي من فمك وانا مو قادره خفت اموت ولا اشوف البيبي بعد تعب..وبعد محاوله صرت افضل وعلى طوووول سألت عن البيبي وقالوا لي انه بخير وخلاص ارتحت بعدها ونسيت هم العمليه اهم شيء ولدي فديت قلبه انا
قعدت 5 ايام وطلعت والجرح بخير وانا بخير والنونو بخير


كثرت هذره عارفه...بس خلاااااص خلصنا
والحمدلله رب العالمين

[~ نوون ~]

مبروووووووووووووووووك النونو

وربنا يخليلك اياه ويتربى بعزكم

والحمدلله على سلامتك يائمرره

[هدوء انثى]

الله يبارك فيك ياعمري وشاااااكره لك مرورك العسل

[Queen DadoOo]

الف الف مبروووووك والحمدلله على السلامة
جعله الله قرة عين لك ولوالده

[om aseel]

الحمد لله على سلآمتكم يااقمر

والف مبروووك ويتربى بعزكم يارب ....~

[يارحمة الله الواسعه]

الحمد لله على سلامتك هدووووء

مبروووووك ماجاااك

يتربى في عزك وعز ابوه ان شااء الله

وجعله قرة عين لكمااا

اول مادريت انك ولدتي على طول سألت طبيعي والا قيصريه

كنت عند النبي ودعيت لك تولدي طبيعي

مادريت انك ولدتي يوم سفري

اهم شي سلامتك يالغلاااا

وبوسي رضااا ... ترى انا قايله اذا جبت ولد باسميه رضااا ^_^

والله يخليه لعيونك ويخليك لعيونه

[دلع بنات]

الف الف مبرررررررررررررررروك
والحمدلله ع السسسلامه

[ام مراوي]

الف الف مبرووووووووووووك

[فوق مستواااك]

مبررررروووووووووك يتربى بعزكم والحمدلله ع السلامه

[الصمت عشقي]

الف مبرووووك
والحمدلله ع سلامتك يالغلا
ويتربى بعزكم ان شاء الله
ويارب تفرحي فيه وتشوفيه عريس

وعقبالي وعقبال حوامل الشهر التاسع
بالولاده الطبيعيه السهله الميسره من رب العباد
اللهم آآآآآآآآآآآمين