بكريه وراح اولد قيصريه ,, نصائحكم وخبراتكم بالعنايه بعد العمليه ^_^

[Ḿٱ۾ڵيڼٱỄ]

السلام عليكم ورحمة الله وبركاته

بنات بإذن الله ربي يسهلي وراح اولد قيصري

وحابه اسألكم على كم شغله واخذ من خبراتكم وانصحوني ^_^

لأنو اول مره اولد وبصراحه ماعندي أي خلفيه عن طرق العنايه بمكان العمليه ^_^

وكيف حتكون كبس ولا ليزر والبنج كامل ولا نصفي ؟ > حولد بمستشفى الولاده والاطفال اللي بالمساعديه بجده ^_^ قولولي اذا تعرفو كيف طريقتهم بالقيصريه ,,

المهم حابه اسألكم :

- قريت انو بعد العمليه اجلس امسح مكان العمليه بالمسحه الطبيه : هل هذا صحيح وفيه ماركة معينه ممتازه مسحات طبيه لهالمكان ؟ وكم مره باليوم ؟؟

- قريت انو استخدم ( بخاخ البيتادين ) هل هوا ممتاز للجرح ؟ واحطه على طول بعد المسحه الطبيه ؟

- طيب أحط كريم زي ميبو ؟ ومتى احطه ؟ بعد المسحه ولا بعد البخاخ البيتادين ؟

- قولولي بالترتيب : مسحه > ميبو > بخاخ > مممم ايش بالاول والاخير *_*

- طيب المضادات الحيويه كيف ؟! يوصفولي هيا بعد العمليه ولا اخذها من قبل اشتريها ؟

بصراحه متوتره شويه لأني ابغى اعتني اهم شي بمكان الجرح عشان ماتسير أي مضاعفات باذن الله

ابغى نصايحكم وارشاداتكم ,,

انتظركم اخواتي بفارغ الصبر ولادتي خلاص الاسبوع الجاي

ام لينــا ,,