ساعدوني في ثاثيث شقتي اخوتي

[ام جوجو محمد]

السلام عليكم جميعا

كيف الحال ؟ عساكم بخير ؟؟

حابه اخذ ارائكم و مقترحاتكم بخصوص تاثيث الشقه

شقتي تتكون من غرفتين نوم و حمامين و مجلس للرجال و صاله و مطبخ

الصاله مفتوحه ع المطبخ ,, و الغرفتين متقابلتين بينهم حمام

و المجلس له مدخل و حمام خاص فيه

^
^
هذي لمحه بسيطه عن الشقه


نجي للمطلوب
ابغى اصبغ شقتي ومحتاره وابغى مسعدتكم في هذا الموضوع
الصاله قلت بصبغها لون بنفسجي وعليها طبعات مخمليه وجدار كامل بخليه مقلم بنفسجي وابيض بس المشكله المطبخ لونه بيج وبني
ابغى ارائكم بلون الصاله وقترحاتكم
نجي غرفه النوم قلت بخليها فوشي او وردي وعليها طبعات مخمليه جدار جهه وحده بخليها نص جدار ابيض والنص الثاني وردي وعليه طبعات مخمليه
الغرفه الثانيه محتاره فيها
المجلس هم محتار قلت بخليه كله نص ابيض ونص احمر وعليه طبعات مخمليه
عطوني ارئكم ياصحبات الذوق الرفيع انا اثق فيكم
نصحوني ودلوني على لالوان
يعطيكم العافيه ابغى ردودكم باسرع وقت ممكن اذا ممكن

[ام جوجو محمد]

مافي ردود وينكم ياعسولات

[Almasah]

أهلين ياعسوله
اول نقطه بقولك اياها اللون الأحمر اهيج الأعصاب
ومااحس يناسب مجلس الرجال
خلي لونه بيج سكري او أبيض والأثاث الكنب خليه اسود وابيض ورمادي

وبالنسبه لصبغ الصاله اذا حابه لون البنفسجي بالجدار خليه يكون فاااااااااااااااااااااااااااااااااتح
>> مااحب الصبغ يكون غامق
او تنازلي عن اللون البنفسجي لانه عن نفسي مااحب الألوان والزكرشات بالصبغ لانها مو بس ليوم
وثاني شيء الألوان الغامقه توتر الأعصاب وتسبب الضيقه
بتجلسين بصاله ولونها غامق بتجيك ضيقه وتحسين محبوسه غير اذا كانت الوان هااااااااديه وفاااااااااااااااااااااااتحه
والكنب اذا الصبغ بنفسجي فااااااااااااااااااااتح خلي الكنب بنفسجي غامق والستاره لونها بني وحطي خداديات بني وعشبي يعني تكوني دخلتي اللون البني ليتناسب مع المطبخ
ولاتنسين الخداديات العشبي تفتح وتكسر اللون وتعطي بهجه اكثر


وبالنسبه للفوشي او الوردي بغرفة النوم نوووووووووووووووو نوووووووووووووووووو لااااااااا
غرفة نوم البنات ممكن وخليها فاااااتحه
بس غرة نومك انتي لا
اختاري سكري جهه مقلم والباقي فلفت يطلع روعه

طالعي بالمسلسلات الكويتيه بيوتهم فخمه وطالعي الأصباغ
افتحي قوقل ودخلي وشوفي الألوان مع الاثاث
ولاتنسين شيء مهم الأناره
حبيت ادعمك بصور بس عندي النت جدا بطيء
وبنتي تصيح ادعي لها

[ام جوجو محمد]

يعطيك العافيه ياقلبي والله انك افدتي شكرا لك من كل قلبي
الله يخليها لك يارب ويهديها

[Almasah]

-
تستاهلين
واذا احتجتي اي مشوره تفضلي
لايردك الا الكيبورد
حاااضرين

[ام جوجو محمد]

يعطيك العافيه فديتك والله يا الماسه

[لوللا]

تتهني ان شاء الله ..

والله ياقلبي اللون البنفسجي حلو .. بس اهم شي الدرجه ,,
البنفسجي لون بارد .. لكن كئيب .. يعني حتى الدرجه الفاتحه منه ..

ممكن تكون غرفة المعيشه .. اتوقع نفسها صالتك تجلسي فيها ؟؟
احس لو كانت الوانها دافيه بتطلع حلوه .. يعني طالما مطبخك بني .. ممكن تدخلي درجات الاورانج في الصاله .. مع البني حلو ترى .. انا غرفة نومي بني والجدران اورانج فااااتح والستاره بني واورانج قطيفه على جلد .. وحاطه مفارش صغيره موزعه اورانج .. حلوه صراحه ..ولا تخافي ما توتر لك اعصابك بالعكس مريحه جدا ..
فممكن تعملي هذه الالوان في الصاله تطلع جونان .. حتى ممكن تدخلي عليها لوحات مثلا او اكسسوار كالرفوف وغيره احمر وما الى ذلك من درجات الالوان الدافيه .. وبيعطي فخامه ترى ..
وحتى لو حطيتي خداديات عشبي برضه حلو مع الاورانج .. الاخضر والاورانج تمازج حلو هذا رايي ..
غرفة نومك .. والله مدري صراحه .. بس لا تخافي من الالوان الغامقه .. وتقولي تضيق الغرفه خاصة لو غرفتك واسعه ..

الصالون .. اكثر شي حلو لو كان سكري او ابيض .. لو مجلس رجال يعني ..
بس الدهان ممكن تخليه فلفلت ..انا صالون الرجال عندي سكري .. والجدران كانت فاتحه وردي لونها .. بس وانا في الاربعين زوجي صبغ لون بني فاااتح مره وعمل فلفلت .. طلع اللون ذهبي واتغير شكل صالوني مرررره ..وحبيته بعد ماكنت اكرهه ..

يعني وجهة نظري واتمنى اكون اعطيتك فكره ..

[ام جوجو محمد]

مشكوره لوللا حبيبتي
قلت بخلي الصاله بني وسكري
وغرفه النوم بنفسجي فاتح وعليه فلفلت
والمجلس الى لان محتاره
وغرفه ولدي هم محتار مابغى لون لازرق
ابغى الوان حلوه ومفرحه وتخلي المكان اوسع

[لوللا]

الحمد لله انك اخترت .. شوفي صور كثير وابحثي تاخذي فكره من هنا وهناك وتستفيدي عشان صالونك ..

على غرفة ولدك .. والله صديقتي قريب عملت غرفة ولدها عملت جدار لونه اخضر فستقي وجدار ثاني مقلم الوان يعني شي وردي وفوشي وازرق واصفر .. وجدار لون مو ازرق .. لا اللون الفيراني بس النص التحتاني اغمق من فوق عشان مسويه عليه طبعة قارب وفيه شخصيات ديزني لان ولدها يحب ميكي .. فصار كأنه بحر والقارب يعوم عليه ..وجدار اصفر اعتقد ..
صارت الغرفه واسعه وحلوه ..

[كاتمة الاحزان]

ما اقدر ازييييد على كلام الاخوات الماسه و لوللا
بس مجلس الرجال مايصلح احمر حلو يكون لونو بني
اما الصاله دام المطبخ داخل عليها حلوو تكوون بعد لونها بني
وغرفه نووم ولدك لا تخليها زرقاء ممكن يصير عنده اخت ويتشاركوا بالغرفه
حلوو يكون اخضر اصفر احمر فاتح بنفسجي
وان شاء الله تتهني ببيتكم