سلام عليكم
باختصار انا فصلت كنب لبيتي لكن للاسف خربو الموديل عليا واختلفت مع صاحب المحل
فاخد مني الكنب وتركلي جلساته الاسفنج يعني والمخدات
واخد العربون بدونما يرده والعربون كان 2000 ريال
فالان ابغي ابيع الجلسه تنفع ناس غيري او ناس بتصمم كنب يستفيدو منو
عالاقل ينزل لهم من سعر تفصيلهم
او يخلوه جلسه عالارض او في الاستراحه للي عندهم او الحوش
انا للاسف ماعندي مكان له ولا ماكنت صرفته خصوصا دافعه الفين ريال
القماش تركي فخم جدا قابل للغسل والتنشيف وله سسته تفكيه وتغسليه وترجعي تلبسيه للاسفنج
الجلسه ماستخدمت ولا مرة يوم واحد جلست عالكنب اجربو شفتو ماعجبني الموديل اخدوه وغلفت الاسفنج لوقتكم هادا مغلف حتي الغبار مادخله نظيف جدا
الضغط درجه اولى عاليه جدا
القطعه الاولي للاركان
قطعتين للركن ببعيها بدون المخدات فقط الاسفنج والي تبغي هادي المخدات معاها سعرها مختلف لانها قطن مضغوط
سعر القطعتين 200 ريال
في التصوير القطعتين فوق بعضها
القطعتين الباقيه طويلة مصورتها بالطول ومالحقت اخد الطول كامل تيجي مسافه
مترين بالتقريب ماني متاكده لاني ماقستها بس طويلة
العرض من 80 الي متر شي كدا
سعر البيع 350
نفس الشي لها سحاب تفتحيها وتغسلي القماش
الضغط درجه اولى والاسفنج درجه اولى والقماش تركي غالي بصراحه
الي حابه تاخد القطع كلها او جزء منها تراسلني او تكلمني هنا
بالنسبة لبنات جده التوصيل يا عليكي يا انا اوصلك مع سواق ياخد 40 ريال ويوصلهم لبيتك
بالنسبة للي برة جده الشحن عليكي لاني ماعرف شركات الشحن وماعمري تعاملت معاها
الله يرضي عنكم الي تبغاها تاكدلي وتاكدلي العنوان في حاله التوصيل وكل شي
لاتيجي وحده تخربط في العنوان وتروح عليها البضاعه زي مرة حصلت في كرتون العاب بعته واشيل هم البنت بدالها
في الصورة القطعتين مصورة مع بعض جمب بعض
05-28-2011, 02:09 PM
اسفنج جلسه كنب جديد قماش تركي فخم درجة اولى
r4m 
جديد منتدى منتدى السوق التجاري
العرض الشجري
