محتاجه توجيهاااااااتكم

[ملكه بعيون زوجي]

السلام عليكم ورحمة الله وبركاته
كيفكم ياغوالي ؟؟؟
بدخل بالموضوع على طول
ابغ اقولكم قصتي وابغاكم توجهووووني
انا متزوجه لي 3 سنوات وعندي ولدين وزوجي طيب وحنون لكن ابدا مايفكر بترفيه عائلته من تزوجت مارحت مطاعم الا اول شهرين ومايحب يطلع من البيت ايام الاسبوع يقول تعب مع الدوام واذا جاء الاربعاء قال رااااااحه والخميس مع اخته او اخوه والجمعه يقول بكره دوااااام واذا طلعت اخذ لفه بالسياااره وايسكريم ورجعنا مليييييت وهدايا مافيه ابدا من تزوجت الى الان مره جاب لي ورده ومره بوكيه ورد وحلاااااوه وقت ولادتي الثااانيه لاني طلبته قبل ما اولد قلت لازم تجيبلي ورد ومره لما كملنا سنتين ورده وحركه كذا مكتوب فيها كلاهم وانا في كل مناسبه اجيب له هديه ما يمر عيد او ذكرى الزواج او انزل السوق مع اخويه او يكون معايه مبلغ الا اجيب له شي
واحيانا يقولي كنت بجيب لك بس ما في حااااالي اروح
ولما امرض مستحيل يوديني المستشفى يقول خذي بندول ما ادري هو اهمااال منه او هو مايحب المستشفى
ولما اساله تحبني يقول ايوه اساله قد ايش يبدا يستهبل قد كذا ياشر بيده او اي شي ثااااااني
وطبعه هاااااااااااااادي وما يتكلم كثير واذا حاااولت اجيب مواضيع للنقاش اتكلم انا كثيييير ويقول ممكن اقول انت ايش رايك يقول والله ما ادري او اتكللم انا واسكت ويبقى هو ساااااكت
امس كنا نتكلم عن يوم زواجنا وقلت كنت طاير في قال الى الان انا طاير فيك انا سكت قال ايش فيك كانك مو مصدقه قلت بصراحه ؟؟؟ قال ايوه قلت انا احس انك تعودت على وما تستغنى عني لانك تعودت علي مو لانك تحبني قال من جدك قلت هذا اللي احس فيه انت تحس بحبي لك تحس اني احبك قاااال ايوه وانتهى النقاش ومن وقتها وانا احاااااول اني اقلل حبي له واخليه عاااااادي لاني تعبت من غير مقابل
انا ادري انه يحبني بس ليه ما يحسسني بحبه
بس للامااانه مايحب ينقصنا شي واذا طلبته اي شي يواااافق الا شي مو قادره اخليه يوافق وهو الخداااامه مع اني احيانا اتعب وما انام كويس من الاولاد والبيت يغبر واقوله ابغ خدااامه بس ساااااعه او ساعتين يقول لا ولما ولدت سافرت لاهلي شهرين ولما رجعت البيت مررررره معدوم غبااار وانا كنت تعبانه سخونه وزكمه وبطني وظهري وجلست 3 ايااام تعبانه واطلبه خداااامه وابكي ومارضى يقول خليه الين ترتاحين وابدي فيه على خفيف واولادي على بعض وكانو متعبيني وبعد كم يوم وافق
وبعد كم شهر سافرت لاهلي وتعبت ونفس الشي تكرر لانه كان شتا وزياده اولادي الاثنين حرارتهم مرتفعه ووقتها رفض رفض تااااام انه ما يجيب خداااامه وما جاب وبعد كم يوم انا خفيت وبديت انظف البيت ومستحييييييل هو يساعدني
صرت اشك انه يحبني احيانا اقول هو طبعه العطاااااء يعني لما يوافق على طلباتي او بعض احتياجاتي مو حب لاني اشوف يعطي امه واخوانه واخواته اذا يبغون اي شي وما يرفض
ابغ منكم توجهوووني كيف اتعامل معاااااه اخفف اهتمامي فيه اوايش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واللي ما عندها رد تدعي لي
جزاكم الله كل خير