مشكلتي عصبيتي

[Hopeful]

السلام عليكم.. الحقيقة كان نفسي أول مشاركة ماتكونش مشكلة أطرحها بس نظرا لثقتي في عضوات المنتدى الكريمات ومتابعتي لمواضيعه المتجددة دفعتني حالتي النفسية الحالية لأخذ ارائكم وأرجو الا أثقل عليكم بمشكلتي.. هي اكيد مشكلة صغيرة مقارنة بما يعرض عادة من مشكلات بس فعلا نفسي اتخلص منها لاني احب زوجي وأقدره جل تقدير.. مشكلتي هي عصبيتي الغبية, سريعة العصبية على اتفه المواقف.. اتمنى ان اتحكم في اعصابي وقت غضبي احاول مرارا وتكرارا ولكن لازلت افشل في بعض المواقف.. زوجي طيب جدا وهادئ ولا انكر انه يتحملني خاصة وانا حامل الان في الشهر الرابع و متزوجة من 6 اشهر تقريبا, ولكن ضميري يؤنبني.. انا طبعا لا استخدام الفاظ بذيئة او كذا و لكني فعلا في غضبي "بالوِّش" بس برده الحمد لله اوقات سعادتنا وهدوءنا اكتر من زعلنا.
ياجماعة قولولي ادرب نفسي ازااااااي.. انا اول مابهدى باكون عايزة اروح اترمي في حضنه واقوله انا اسفة بس مابقدرش.. انا باكتب دلوقتي وانا فعلا بابكي لانه مايستاهلش مني الغباوة دي حتى اخطاءه بتكون صغيرة ودايما هادي وعمره مابيغلط فيا.. اروح لدكتور نفساوي طيب ولا اعمل ايه؟ قولولي الهي يستركوا انا لسه خبرتي قليلة و6 شهور جواز لسه ماساعدونيش اتغير؟ فيه امل ولا انا باظلمه معايا؟ شكرا انكو استحملتوني و اعذروني لو المشكلة عبيطة بس ربنا يعلم انا عايزة احافظ على جوزي وبيتي ازاي