قصة ولااادتي في بنوووتي..

[الملاك]

السلام عليكم ورحمة الله وبركاته

الحمد الله يااارب ولدت في يوم 29-5-1432 الثلاثاء
وجبت بنت في مستشفى العسكري..
طبعا انا ماحبيت اذكر قصتي عشان ماارعب البكريات بس لطلب الكثير بكتبها عشان تستفيدو من اخطائي..

دخلت شهري التاسع من 3-5 وعلى حساب السونار اني بولد 28-5
ورحمي من بداية التاسع كان مفتوح 1 سم ومافي شي ماجربته كل الخلطات الي في النت اخذتهم ..
وماااااااافي فايده على اخر الشهر فتح 2 سم بسس..
انا حسيت اني طفشت وابي اولد في اي طررريقه ورحت يوم السبت للدكتوره بالمستوصف الي اتابع عنده وخليتها تسوي تحريض للرحم..وسوت لي وقالت اشربي قرفه..
واساسا انا شاربتها من اول وشربتها والفجر شربت خروع..ونمت
صحيت يوم الاحد الله لايوريكم المغص والالم الي جااني وصبرت حالي لحد 11 الظهر ودقيت على زوجي وداني المستشفى وعلى طول حطوني بغرفة الولاده وحطو علي جهاز التخطيط وكااان الطلق حااااامي مرررره..وجت الدكتوره تبي تشوف الرحم..واكبررر تحطيم قالت 2 سم ورااحت..
وبقيت على هالحال الم الطلق واكبر تحطيم لما كل شوي يكشفون 2 سم..وجاني الاستشاري قال انتي ايش ماخذه؟؟؟؟
قلت له قصدك ايش الي ماخذته..
قرفه وكف مريم وخروع وزعتر بري وحليب بهيل وفلفل اسود وميرميه وينسون
الدكتور وانا اعد باصابعي مسوي كذا احسه شوي ويخبط راسي بالملف الي معه
قال.. لالالا يااختي هداك الله القرفه اكبر خطر للرحم اذا كان مو مفتوح اقل من 5 سم
قلت له الدكتوره تقول انها زيينه وماحس بالطلق..
قال الطلق والالم والعوار الي فيك ورحمك مو راضي يفتح زياده كله من القرفه
انتبهوووووو منهااااا..لاحد يشربها ورحمها اقل من 5 سم
نصييييييييحه لوجه الله..
وقعدت لحد يوم الثلاثاء وانا اطلق ورافضين خروجي طلقي حاامي مره وحرموني من الاكل يومين بس عالمغذيات وموويه بسسس..
واترجااهم ابي طلق صناعي او عمليه طول الليل مع النهار ابكي..واصيح من الالم
وراافضين لان اصلا طلقي حامي بس الرحم مو راضي يفتح
جا المغرب يوم الثلاثاء وزوجي كان جنبي بس انتهى وقت الزياره وطلع لان ممنوع الزوج يقعد معي..
طبعا ماحبيت يكون معي مرافق لان بدخل بتجربة الولاده لحالي..
جتني قابلة فلسطينيه وشافتني انكسر خاطرها علي مرره قالت خلاص بفحصك
وكنت بوقتها استغفرت 500 مره بنية اني اولد بسهوله ويسر ويفتح رحمي بسرعه
وادعي{اللهم لاسهل الا ماجعلته سهلا وانت تجعل الحزن اذا شئت سهلا}
وكنت ادعي بعد كل الي يجي في بالي سواء من اهلي او صاحباتي..
وفحصتني قالت مبررووووك فاتح 5 سم.. وفقعت لي المويه هي ورااحت..
وشوي شوي احس بالاااام واصرررخ واحاول اكتم حالي وعطوني ابرة مسكنه بالفخذ والله انها ابره اكثر من روعه ...
وادعي ادعي وانا اطلق والالم يزييييييد واحاول اكتم صووتي بس والله ماقدرت احس لما اصرخ ارتاح <<< يتهيألي
وعلى طول ماشاء الله فتح 10 يم واناادي احس النونو بيطلع
تصرخ علي تقول انتظري شوي انتي بكريه بتااخري...
وتصرخ تقول لي انتي مفكره ان مافي غيرك بولدو..
انا ودي ابوس يدها بس تولدني وجت الفلبينيه بس تبي تشيك وفعلا حصلت اني بوولد
وتناديها وجت تركض ...<< ركض عليها بعير ان شاء الله
وتقول دفي وانا ادف بوقت الطلق والام ادف ولما يروح اخذ نفس..
طبعاا من خياسة المستشفى الادوات مو جاهزه
ونزلت النونو وشقتني
واول مانزلت راااح الالم والله ولا كني كنت اتقطع من الام قبل شوي ..
وبعدين طلعو لي المشيمه..
ولما شفت المشيمه صرخت ..
قالت وش فيك ..؟؟؟
قلت ليش طلعتو مصاريني ؟؟ هههههههههههههههههههههههه
اثاار الابره علي..
وحطو بنتي على صدري وحاولت تخيط وماقدرو وجوني 3 دكتورات ماعرفو
نقلوني لغرفة ثانيه وخيطوني وانا اتالم احس بالخياط والابره..بس لما اتذكر اني افتكيت اهوون علي...

طبعا صار معي نزيف اثناء الخياطه وانا اصلا من اول معي فقر دم..
وترقدت بالمستشفى اسبوع..
وطلعت بعد ماوقعت خروج على مسؤؤليتي..
لان المفروض اسوي نقل دم .. بس انا رفضت..
دعوواتكم لي بالشفاء العاجل..
واي استفسار انا حااااااااااظره..