تاخرت حملي والان..

[عآشقة الجنآن]

السلام عليكم ورحمة الله وبركاته

كيفكم يااخواتي انشاء الله انكم في احسن الاحوال

قبل كل شئ بفضل الله حملت بعدما تاخر حملي لسنة وشهر

كنت اتابع مع الدكتورة صار لي معها 3 شهور وانا اتابعها
وسويت تحليل والحمدلله كل شئ كان تمام بس زوجي ما سوا تحليل
الشهر اللي فات امي الله يطول عمرها اخذتني عند وحده كبره في السن تسوي لي تمريخ ومرخت لي 3 ايام فقط في البداية قالت لي ان بطني قاسي وعندي التهاب واليوم الثاني خف شوي واليوم الثالث قالت لي الحين رحمك في مكانها وقالت لي اهم شئ لاتشربي شئ بارد
وكنت اشرب ماء زمزم بنية الحمل وخالتي قالت لي انها سمعت محاضرة للشيخ صالح المغامسي يتكلم عن تاخر الحمل قالت لي اني اصلي في الليل ركعتين وفي السجود اكرر 40مرة(ربي لاتذرني فردا وانت خير الوارثين ) 40 مرة 7 ايام فقط متواصلة

وذكر الشيخ كم قصة في المقطع وانا ماشفت المقطع بس كنت اصلي في الليل بس ماقدرت اواصلها 7 ايام والشهر هذا ماجاني الدورة حسيت بألم في ظهري وسويت تحليل وطلع لي خطين بس الثاني مو واضح واليوم الثاني رحت العزومة ونزل دم وقولت في نفسي اكيد الدورة
لانه تاخر يومين
والدكتورة قالت لي لي متى ماجات لك الدورة تعالي
وجلست يوم كامل ومانزل شئ ورحت اليوم الثاني عند الدكتورة وقالت لي هذه اعراض الحمل
وانا مصدعة مرررة وعندي الم في بطني
وسويت تحليل دم واول ماشافت التحليل قالت لي مبرووووك انتي حامل
وفرح زوجي وقالت لي الدكتورة ارتاحي 40 يوم حتى يصبت الحمل وانشاء الله بعد بكرة راح تسوي لي اشاعة واعرف كم عمر الجنين

والله يابنات اني فرحانة لان صار لي سنة وشهر وحماتي والناس يسألوني مع اني مااهتميت في كلامهم والحمدلله حملت

يابنات الصلاة في الليل لا اوصيكم والله كنت ادعي من كل قلبي وربي ماخاب ظني
ماقولت لكم تجربتي الا اني ابي لكم الخير

انشاء الله خلي املكم بالله كبير وربي مايخيب ظنكم
والله يرزقني واياكم الذرية الصالحة
اللهم يامن امسكت السامء بلا عمد ان تمسك مافي رحمي
اللهم صوره في احسن صور ونجه من كل تشويه ومرض
ياارحم الراحمين