طردني ابوي بفتره النفاس وحلفت ما اكلمه

[شمايل بنت الدمام]

السلام عليكم ورحمة الله وبركاته

انا بقولكم مشكلتي واحكمو انا غلطانه او وش السالفه بالظبط تعبانه نفسيتي


اول شي ..

انا زوجي مسافر دوامه هو عسكري بالربع الخالي يشتغل ع حدود عمان كان بالدمام وانقلوه ..

المهم .. انا كنت بالشهر التاسع قريب الولاده وكنت عند اهلي لاني بكريه وماعرف شي وعطيت ابوي 1500 وقلت له اشتر اغراض النفاس ولجاء زوجي بعطيك الباقي

اخذهم من دون نفس وقال ماتسوي شي قلت تدري طالعين من عيد والحال الله يعلم فيه

اخذهم وماشترا شي ..

جاني الطلق ورحت تنومت بالمستشفى هو دخلني ويوم ولدت وخلصت والله اتصل عليهم ابيهم يطالعوني مايردون ع الجوال

دقيت ع امي قالت ابوك نايم ودقيت ع اخوي وجاء ماقصر طلعني


رحت بيت اهلي وابوي نايم يوم قام تهاوش مع اخوي يقول ليش تطلعها

ودقيت ع زوجي وقلت له انا ولدت تعال وتخيلو جو عماتي وانا ماعندي اغراض ولا شي جدتي يوم جات اشترت كل شي


جا زوجي وابوي تهاوش مع زوجي يقوله انت فشلتنا ماعطيتنا فلوس زي الناس عشان نشتري اغراض وتهاوشوا واصواتهم صارت قوويه وسب وشتم ..

وجاني ابوي قال يالله طلعي عن بيتي يالله تخيلو طلعت ورحت مع زوجي وانا مو عارفه شي مو عارفه شي حتى بالطفل

وحلفت ما اكلم ابوي وانساااه لانه فشلني قدام الناس وطردني وجو الناس لبيتي وبيتي ما عدلته ولا شي