اااه ياشدة الدنيا علي ..اختكم روح الامل باشد حاجتها لدعوه اخويه بظهر الغيب

[روح الامل]

بناات بدون مقدماات
تكفوون لا تنسوني من دعواتكم ان ربي يشفي زوجي ويرزقني منه ذريه صالحه
اااه يابنات وربي نام من شوي وهو يبكي بكااء طفل يقطع القللب ويقولي بتتركيني
اااااااااااه على هالدنيا ياربي متى بنرتاح ياربي رحمتك يااكريم لا تخيب رجانا فيك ياارب

اللي ماتعرفونه انا لنا 10 سنوات زواج وكان عنده ضعف شديييييد وكرمنا ربي وقدرنا نوفر مبلغ عمليه انابيب الاطفال وبدأنا اول مراجعه الاسبوعين اللي فاتت عند الدكتور مجدي الشيخ ولما شاف تحاليل زوجي قال مافيه حيوانات مررره بس نسوي تحليل هنا ماراح نعتمد على التحاليل اللي معكم وسويناها وانا يدي على قلبي واقول يارررب لا تردنا يارب تعلم كيف صبرنا وفرنا هالمبلغ ويوم ربي كتب لنا المراجعه ننصدم كذا بس للاسف رجعنا اليوم الثاني وهو نفس الكلام مافيه اي حيوان منوي صفررررررر وحولنا على دكتور الذكوره والعقم وكمان طلب مجموعه تحاليل من زوجي وقال تعالوا بعد اسبوع وراح زوجي للمراجعه يوم الثلاثاء تخيلوو ايش قال : ماعندنا الا حل واحد نسوي لك تفتيش ومسح مجهري للخصيه ندور على حيوانات منويه وان ماحصلنا مافيه امل مانقدر نعمل لك شي بعدهاا
جاني حبيبي منهاااااااار وربي يابنات لنا اسبوعين ربي وحده يعلم بحالي لا اكل ولا كلام مثل النااس حتى يوم اوح لاهلي واقابل النااس وانا جالسه معهم ماادري الا وعيوني تغورق بالدمووع مالي نفس بشي كرهت حياتي تعبت وربي تعبت واخرتها قبل لحظات وربي بابنات ماتقولن هذا رجال كنه طفل قطع قلبي بكااه احظنه واهديه وانا يبيلي من يهديني تخيلوو يقولي بتتركيني وانا والله ماجبت له سيره هالشي بس يمكن لانه شايف تعلقي بالاطفال وحبي لهم اعتقد هالشي حزنني وهو يشاهق قلت بقلبي يابعد قلبي والله لمين بتركك وانا ادري فيك حسااس وماتحب تسولف مع اي انسان بهالموضوع ربي يفرج همناا والله حالتنا تصعب على الكاافر يااربي مدري ايش اسووي ياارب رحمااك يااااااارب

سامحووني كلامي مو مرتب ومدري ايش خربطت اكتب ودموعي على خدي
بس كل اللي اتمناه منكن كاخوات تدعن لي ربي يسهل عمليته ويلاقون حيوانات منويه حيه ونسوي الانابيب وتنجح ويرزقنا ربي بفضله الذريه الصالحه تكفووون ياخواتي لا تنسويني ولا تستهينن بالدعوات بظهر الغيب ولا تنسون الملك يقول ولك بالمثل

يارب يامحي العظام وهي رمييم احي نطف زوجي واشفيه بقدرتك يااكرم من سئل اعطيني سؤالي ولا تردني خاسره يارب ياعالم بحالنا ارحم قلوبنا ياكريم ياجود ارزقني وزوجي ذريه صالحه تشفي احزاننا وتذهب كدر قلوبناا يارحم الراحمين