قصة ولادتي الموية للى نزلت

[أم هيونة]

السلام عليكم

اليوم حابة اكتب لكم قصة ولادتي ---عشان يستفيدوا منها البكريات للي مثلي ولا يغلطوا


نفس غلطتي -- انا كنت ادخل المنتدى وانا حامل واقراء المواضيع عشان استفيد وياليت موضوعي يفيد غيري ويذكروني بدعوة وهذا الهدف من ورا موضوعي
بكتب القصة بكل تفاصيلها



كنت بالاسبوع الاخير من التاسع ولما صحيت من النوم لقيت موية دااافية نازلة مني واصلة لحد الفخذ طبعا خفت وقمت اركض للحمام وانتم بكرامة ومازالت تنزل مني وانا امشي ولبست فوطة ووقفت الموية بس مازلت خايفة كنت عند اهلي وتسالني امي فيك شي قلتلها:لا ماابي اخوفها توقعت اني بروح المستشفى وبولد خلاص وانتهي الموضوع ومن كثر مااسمع ان الموية خطيرة اذا نزلت خفت وقلت بروح المستشفى وبولد وارتاح من الثقل
أتصلت على زوجي وقلت لة ورحت تقريبا بعد مانزلت الموية بثلاث ساعات
رحت للمستشفى وقالوا لي 2 سانتي قلت في نفسي بطلع بس قالت الدكتورة :بما ان الموية نزلت لازم تنويم -----------كنت رايحة لمستشفي حكومي للى اراجع عندة قوى الامن وقالوا لى مافية سرير بنجولك لمستشفي أهلي (مستشفى أبانمي) وطلعت منهم ورحت للثاني جتني اول شي دكتورة سورية وقالت بنخليك لما تجيك اعراض مخاض طبيعي اليوم ماراح نسوي شي الكلام هذا الاربعاء في اليل وبعدها جت فلبنية حسبي الله عليها قالت لا بنعطيك طلق صناعي الحين وودوني غرفة الولادة واشوف الدكتورة السورية تكلمها ورجعو رجعوني لغرفة التنويم ونمت الاربعاء عندهم أحسن شي عندهم أني في غرفة لحالى وزوجي نام عندي
اليوم للى بعدة الخميس العصر كان يجيني طلق كل خمس دقايق لسؤ حظي كان دوام الفلبنية والسورية ماشفتها قالت بنعطيق طلق صناعي بالرغم من انة كان يجيني طلق
ودخلت غرفة الولادة الساعة 4ونص واعطوني طلق كان يجيني قوي كل خمس دقايق واماجت الساعة 7 اسمعها تكلم الممرضات تقول اعطوها طلق ثاني طبعا بدون ماتسالني ولا شي قهرتني حسبي لله عليها لما اعطوني الثاني صار يحيني كل دقيقتين طلق حاااااااااااااااااااااااااااااار بشكل مايوصف ماقدرت اتحمل وقعدت اصيح وادعي وطول وقتي ادعي لما يجي الطلق ادعي بصوت عاااالي وكل هذا الرحم توة 4 سانتي وتقول كل ساعة بيزيد واحد سانتي بغيت انجن على الساعة 8 ماعاد قدرت اتحمل قعدت دموعي تنزل بقووة والنيرس تقول لا تتحركين عشان حاطين علي جهاز يقوس نبض الطفل والطلق وطبعا لما يجي الطلق مااقدر لازم اتحرك احاولاني امسك اي شي في السرير واضغط علية اصبر نفسي وكانت تهاوش
وماكنت اسمع كلامها وماعلي منها يجيني شي يخليني في عالم ثاني الموهم بديت اصيح ماعادت سكت انهرت واقول للدكتورة اعطيني اي شي يسكن الالم مااقدر اتحمل كانت فية اكسجين لكنة مايهدء الالم مرة وحدة يخفف شي بسيط قلت مو مشكلة اعطيني
اعطتني اياة ولاسوا اي شيء قالت تبين ابررة ظهر----طبعا انا خفت من كثر مااسمع عنها قلت لا وابكي وقاعدة اقول في نفسي ابي احتسب الاجر ابي لما اخلص ولادة مايكون عندي ذنوب وبعدها احتمي الطلق صار كل دقيقة وطلق حااااااااااااااااااااااااااااااااار لأنة صناعي مو طبيعي من عند ربي قعدت اصيح ودمووووع قالت تبين زوجك يجي قلت اول شي لا ماابية يشوفني كذا بعدين قلت اي نادية ولما جاء قعدت اصيح واقول خلاص خلهم يسوون عملية لي ماعاد اقدر اتحمل ألم مو طبيعي وقعد يهديني ويقولي كلها كم ساعة وترتاحين احسن لك من العملية -- وقلت ابي ابرة ظهر قال : أخاف تضرك قلتمو مشكلة خلاص ماعاد اقدر ولما وافق على ابرة الظهرطبيب التخدير صار عندة حالة ثانية وصارت الساعة 10 والرحم 6 سانتي وقالوا مانقدر نعطيك الابرة ولا نحركك لان نبض الطفل بدء يضعف طبعا تعب الجنين من الطلق الصناعي حسبي الله ونعم الوكيل في للى عطتني اياة وقالوا مانقدر نخليك اكثر من كذا بنسوي لك عملية دخلت غرفة لعمليات 10 ونص وطلعت منها 11 ونص طبعا تخدير نصفي احس بحركتهم ولكن ماكنت في كامل وعيي كنت اغيب وارجع واستفرغت وانتوا بكرامة في غرفة العمليات ----- والحمد لله جبت بنوتة حلوة نسيت التعب كلة لما شفتها
الحمد لله على كل حال ------
نصيحتي لكل وحدة اذا نزلت الموية لا ترحون المستشفى على طول اجلسي في البيت واشربي اشياء تحمي الطلق لانة بعد الموية بيجيك طلق بس مو على طول والمستشفي ماراح يتنظرون عليك بيعطونك صناعي والصناعي شي غير طبيعي حار مرة ويتعب الطفل وفي الاخير يقلون لك عملية وكثير اعرفهم كذا ياخذون صناعي وفي الاخير عملية
وطبعا الفلبنية جتني بعد الولادة تشوف الجرح ومبسوطة تقول انا سويت امس ثلاثة عملية
طبعا بتنبسط لان يحسب لها خبرة ولها زيادة نسبة حسبي الله عليها
وهذي قصتي 0