حبيت ابشركم بولادتي و اخبركم بأمور النفاس .. و الرضاع ...

[مشاعل الدوسري]

السلام عليكم ...


حبيت ابشركم اني ولدت بتاريخ 18-12-2012
قبل موعدي بأسبوع المفروض 25-12-2012

هذي تجربي الثانيه بلولاده انا حملت بعد ولادتي الاول بكم شهر

فا مولدتي الاولى 2011
و مولدتي الثانيه 2012

حكاية الولاده : ابتدت من صباح يوم الثلاثاء 18-12-2012

جاني الطلق في نفس اليوم من 8 تقريبا بدا و انا نايمه الساعه 9
يتهيأ لي ان في حد يقولي قومي اللي فيك الم طلق مو امساك و ناس
تقولي امساك مو طلق هههههههههههه مدري حلم و لا خيال ..

بعدها صحيت رحت الحمام اشيك اذا امساك و لا لا ..

شفت الالم يروح و يرجع ... قلت كيف امساك عمره الالم ماراح و لا رجع ..

فتحت النت و ابن العم قوقل سالتها و قالي ان الم الطلق يكون منتظم

فا حسبت بين الالم الاول و الثاني

طلع 4 دقايق بين الالم الاول و الالم الثاني ..


من 9 الى 12 و انا بلبيت أطلق ....

و ما حكيت الا لزوجي و ما قلت لامي لان ادري انها بتخاف و تسوي أكشن

خذيت ملابسي قميص و حجاب و بجامه و فوط صحيه عطر مزيل عرق

و ملابس داخليه ... و بس ..

طلعت لأمي الساعه 12 قلت لها انا الحين بروح المستشفى ..

الساعه 12 : 11 دقيقه رحت المستشفى و دخلت الطوارئ و حطو لي التخطيط الين الساعه 1 بلضبط جات الدكتوره اكشفت على الرحم مفتوح 7 سانتي ..

المهم انقلوني الى غرفة الولاده ..

و الساعه 1:49 بلضبط بدأ الالم الشديد و قمت اقول لا اله الا الله محمد رسول الله
ادعي و ادعي ... بعدها مدري عن الوقت بهلكم دقيقه ...
ولدت الساعه 2 بلضبط ولدت ...

طلع الماي فجأه و البيبي بنفس الوقت انصدمت كنت مفكره الماي لوحدو لازم يطلع و بعدها بوقت البيبي ..

فا صرخت صرخه و طلعت بنوتي الحمدالله


كانت ولاده اسهل و أسرع من الولاده الأولى..

و الحمدالله

ثاني يوم من الولاده يوم الاربعاء خذيت دواء للأمساك انا طلبته .. تفاديا للأمساك ..

و اتشطفت بلماي الدافي للخياطه ظليت اتشطف بلماي الدافي للخياطه لمدة أسبوع

رحت لزياة لدكتوره و طمنتني ان الخياطه وضعها تمام من زود الوناسه كنت بطلع اتمشى ههههههههههههههههههه و نسيت اني نفاس و انا جالسه انتظر السياره قاعده اقول لنفسي اروح كوستا كافي و لا ستار بوكس.. بعد ما وصلت السياره تذكرت اني نفاس هههههههههههه




و ظليت اتشطف بلماي الدافي بس ..
و حتى الان اموري تمام قلت الاسبوع الجاي ببدأ استخدم الميبو و في معمول لتضيق و مدري ايش من هلامور ..


بلنسبه للأكل .. أكلت الحسو مازلت اكله و الحمدالله مرتين بليوم

و الحلبه ما أكلتها الا مره وحده مقدار كوب .. و اقل بعد لان صدري من النوع اللي بيتحجر فيه الحليب و دايم مرق لحم مع خضار شوربه يعني لحم و دجاج و الرز ما أكثر منه ..

و اي نشويات ما أكثر منها ...

و السلطات اكلها بكثر ... المهم بس ..

و الرضاعه امورها طبيعيه ترضع مني و بجد فرق بطني أحسه صار أصغر من قبل ..من اليوم الاول فرق كبير ..


صار لي 10 ايام من ولدت ...

وقلت لكم امور الخياطه تمام و انشالله اكمل فيها بلتمام

و الأكل الحسو و الخضار و المرق ... و اجبان و حليب ... و بس

والرضاعه الحمدالله طبيعيه لكن الايام هذي تعبت لاني استخدمت الشفاط لمدة يومين فا خلت
حلمت صدري كبيره و بنتي ما قدرت ترضع و تمسك الحلمه لانها صارت كبيرة


و الحين مازلت نفس النظام ....و بستمر عليه من بكره راح استخدم الميبو ..


و الحمدالله على كل حال .

[um yuseef]

الحمدلله على سلامتك حبيبتي

ايش الحسو ؟

[مشاعل الدوسري]

المشاركة الأصلية كتبت بواسطة um yuseef

الحمدلله على سلامتك حبيبتي

ايش الحسو ؟

الحسو اسم اكله و لها طررررررررررررررررررق مختلفه على حسب كل ناس و عوايدهم ..
هو عباره عن حب الرشااااد

هذا موضوع فيه طريقته
http://forum.hwaml.com/t44346.html


لكن حنا مو كذا نسويه

زي ما قلت لك كل ناس و عوايدهم حنا نسويه بلبيض .. و ناس تقول بلكسترد حلو

بس انا تعودت الحلبه بلكسترد و الحسو بلبيض .. و بس


و الله يسلمك...

[شمس الربيع]

الف مبرووووووووووووووووووك حمد الله على سلامتك

تتربى البنوتة بعزكم

[مشاعل الدوسري]

المشاركة الأصلية كتبت بواسطة شمس الربيع

الف مبرووووووووووووووووووك حمد الله على سلامتك

تتربى البنوتة بعزكم

الله يبارك فيك و يسلمك

[شهآليل]

ماشاء الله الف الف الف مبروووووك والحمدالله ع سسسسلامتك وسلامة المزيووونه




عقبال مااولد يااارب ادعوا لي نفسي اخلص

[مشتاقه لضمة بنوته]

الف مبروووك
والحمدلله ع سلامتك

[**سماسم**]

الف الحمد الله على سلامتج يالغاليه ومبروك ماجبتي جعلها الله من الصالحات البارات يارب ..
طريقتج حلوه وسله ربي يجزاج خير ويعطيج الف عافيه اكيد افدتي وبتفيدين الكثير
’’

[om aseel]

الحمد لله على سلامتك ياقمر

ومبروووك عليكى البيبى الجديد ....~

[om yosof]

الف مبروك اختي مشاعل كان لي فترة استغربت انك مو موجوه يعني بالعربي فقدناك والف مبروك تتربى في عزك ايش سميتها وايش اسم مولودك الاول..!!