تعبت تعبت من زوجي ساعدوني الله يسعدكم

[ام محمد ؟؟]

السلام عليكم ورحمة الله وبركاته
اهلين كيفكم
انا عضوه من المنتدى بس ماحبيت ادخل باسمي لان لي معارف هنا وما ابي احد يدري منهم احسن ما ابي صورة زوجي تهتز قدامهم
مشكلتي مع زوجي عجزت ماقدرت افهمه
مره اقول بخيل مره اناني مره كريم مره حبوب
انا بقولكم مشكلتي معه واتمنى انكم تساعدوني لان وربي معتبرتكم مثل اخواتي واكثر
لان مااقدر اشتكي لاهلي مابي يقلقون علي ومابي ياخذون موقف من زوجي وما ابي اشتكي لصديقاتي اخاف منهم يقلبون علي بيوم من الايام ماااااالي الا انتم طلبتكم ساعدوني
صار لي متزوجه سنه ونص وعندي منه بيبي
اول ماتزوجنا الكلام والحب والطلعات والنوم والدلع وماكان يبين احمل وكنا متفقين نجلس ست شهور بعدها احمل وسبحان الله ربي كتب لي الحمل وبالعكس فرررررح مرره
وطول فترة الحمل هو كويس معي بس يقهرررني مايحسسني بخوفه علي ومايحسسني بشوقه لي او ولهه بس يعني كان يطلعني يغيرلي الجو كلامه معي حلو
بس بعد ماولدت تغيييييييير علي شهرين بعد ماولدت واهو متغير بس معصب ومايصرف علي ولا يعطيني ولا ريال وكان يقول انو مامعه ولما يجي اخر الشهر ياخذ من اللي معي ويقول بعوضك وكل مره كذا ولا اشوف شي وسكت ماقلت شي ولا اشتكيت لاحد
بعد شهرين حسيت انو رجع مثل اول بس مايقولي مثل اول او يدلعني لا
مرررررره كريم مع اهلي ومع غيرهم مايقصر لما اقوله شي بس معي لا مادري ليه حتى انو رافض انو اتوظف مع اني شارطه عليه
واللي يقهرني انو يقدم الناس علي يسلفهم ولما اقول عطني يقول مسلف فلان قلت وانا قال استحيت منه
انتي اصبري الشهر اللي بعده
وكل شهر يوعدني يقول بنسافر واذا استلم راتبه قالي مابقى معي شي
اجار البيت والقروض والفواتير
غير كذا مايجلس معنا الا ساعه او ساعتين والباقي جالس بروحه وكم مره انط عنده من غير لايحس بشوف وش بسوي ما الاقي شي عليه وماعنده هو هالخرابيط
طيب انا وش ذنبي ابي اكون مثل غيري والمشكله راتبه حلو مو قليل ابدااااا
ش رايكم وش اسوي معه تعبت تعبت ساعات افكر ارجع لاهلي واخليه بروحه بس واخاف من بنات الحرااااام
انا متاكده مليون بالميه ان يحبني وانا احبه
بس وش اسوي معه ساعدوني ابي يحس بقيمتي
ساعات اقول بقدم على وظيفه ومالي شغل فيه ابي اثبت نفسي
والله يبنات انو قطعني عن الناس حتى عن صاحباتي بس الحين رجعت لهم
والنت يقول لاتجلسين علي والنت لما يدخل وانا اتفرج على فيلم ولا مسلسل يقول وش تطالعين في هالتفاهات يعني شنو اسوي اجلس اقابل الجدران مثلا
مايبي اي صله لي مع احد..
طلبتكم سااااااااااااااااااااعدوني انا الحين متهاوشين عشان هالسالفه
استنى الحلول منكم ..
الله لايرد دعوه لكل من يساعدني ..