دمووووع.......الألم

[طيبتي اكبر همومي]

غربه ودموع والم
وحسره وفراكَ ونين

وحنا شمعه اشما طفينا
لازم ايردنا الحنين

يا حبيبي اشما بعدنا
ما تفركَنا السنين

ليش بس احنا وحدنا
انعيش دوم امعذبيــن

نزرع اورود بدربنا
وللاسف شو نجني طين !!

وليش دنيانا حزينه
وبالحزن شو غاركَين

ليلى شو تركت هواها
وقيس عاف العاشكَين !!

وظلمه ودموع ومآسي
وبحر صرنا من الانين

يا حبيبي خلها تحجي
ما تهمنا الحاقدين

والله لكتب الج شعري
ايغار منه الياسمين

وانتي بس انتي الاميره
وانا منتظرج تجين

اسكَي كَلبي الصار صخره
بلجن بمايج تلين

وعيني ملهوفه الضحكتج
من اشوفج تفرحين

تفرح الدنيا وتغني
وما يظل كَلبي حزين

[~~لحن الحياة~~]