ايه اول اكلة عملتيها لجوزك وكان رايه ايه؟

[جيداء]

كتير مننا كان مبيعرفش يطبخ قبل الجواز وبعد ما الواحدة تجوز جوزها يصطدها ويشوفها هتنجح فى الطبخ ولا لا.انا كنت من الناس دى ومكنتش بعرف اطبخ
لدرجة انى مكنتش اعرف افرق السبانخ من الجرجير ولما كان لما يجى جوزى عندنا كان هو ومما يتريقوا عليا وياما قالى جوزى فى الخطوبة اتعلمى الطبيخ لانى مبحبش اكل اى حاجة ولازم مراتى تكون طباخة بريمو ولكن لظروف دراستى مكنتش بلحق وجوزت ودخلت فى الامتحان وكانت اول اكلة اعملها هى صنية بطاطس وحطيت سكر بدال الملح وسلقت لحمة ونسيتها ورحت نمت فتحرقت وكان موقف يضحك لما جوزى اكل البطاطس ولقى طعمها غريب بس انا قولتله اكيد البطاطس نوعها مش حلو ولحقت نفسى واتصرفت فى اللحمة قبل مايشوفها ويشمت فيا ولكن بمرور الايام ولانى بحب جوزى اوى اتعلمت الطبخ وبقيت شاطرة اوى لدرجة انه بقى مايعرفش ياكل غير من ايدى .قولولى بقى انتوا ايه واول كلة عملتوها وحصل معاكم ايه