شوفوو بنوتاااات شو صاار معااايا اليوم ..الحمدلله ع كل حااال

[xRano0x]

بسم الله الرحمن الرحيم

السلام عليكم ورحمة الله وبركاته

كيفكــــم حبيباات ألبي بعرف طوولت عليكم بس والله كونت بجده روحت المستشفى من شان الابره التفجيرياا وطلعت بنفس اليوم الطايف وكاان ارهاااااق علياا ويادووب شوفت السريــــر .. هع
مااطوول عليكم راح اقولكم شوو صاار معاياا سبق وقولتلكم انوو اخدت ابر منشطه ومشيت تمام والحمدلله ... الخ
امس لمى مادخلت النت روحت الموعد حق ابرة التفجير << جبتي شي جديد ..
وقبلهاا طبعاا سويت تحاليل هرمونات من شان يشووف التجاوب للابره وكاانت ممتاز وفي ارتفااع ممتااز في هرمون الاستروجين ماشالله تبارك الله طبعا وبعدهاا كشف علي بالسونار المهبلي من شاان يتأكد من البويضاات وحجمهاا وسماكة الرحم طبعا ولله الحمد كان عندي 7 بويضاات ناضجه وكبيره ماشالله 4 في اليساار و3 في اليمين والباقي صغاار ماعليناا المهم كلهاا احجامها كانت مابين 18 -19 -20 ماشالله لا قوة الا بالله وسماكة الرحم ممتازه وقال خلاص راح اعطيك الابره اليووم اللي في العضل وكونت خايفاا منهاا بس النيرس كانت يدهاا حلووا وخفيفاا وماحسيت بشي الحمدلله ويقول اتمنى ماتتلقح البويضاات كللها لانو بيكوون خطر علياا 7 مو شوياا وطبعا اعطاني اسبرين اطفال ودوفاستون بالاضافه الى حمض الفوليك اللي جالسه استخدمهاا لياا 12 يوم يعني اكمملها مع الادوياا التانيا وبس وقالي يتم الجماع باليوم التاني يعني يوم الخميس بعد الساعه 9 بالليل ويستمر الى الجمعه والسبت وطبعا ارجعلوو بعد اسبوعين بالضبط ادا ماجات الدوره يعمل تحليل وانشالله اكوون حاامل وحااب انوو هواا يبشرني ويتابع حملي وادا جات اللي ماتتسمى ع قوله وانا والله اكرههها << متضاربه وياهاا غثى ..هع الموهم اجيلوو من شاان نبتدي من جديد بس يقوول راح يعملي تلقيح صناعي هالمرره طبعا انا خوفت بس كلاموو طمني ويقول ابدا ماراح تحسي بشي راح اكون رقيق معااك قولتلوو احس انوو بدري روحنا للتلقيح قال عاادي انتي بكيفك اللي تبيه اعملوو لك انا ماجبرك بشي اهم شي راحتك وقاللي هالكلمتين ريحتني يقوول انوو لو انتي مسافره لمدينه مدة الرحله بالسياره 3 س.. وبالطياره 40 د.. وبالنهاياا راح توصلي وانا ماراح اغصبك بس انتي ايش راح تفضلي السياره او الطياره اقنعني جدا بكلاموو وقولت خلاص ماشي وانشالله يارب احممل بدون تلقيح ولا شي وقال انو نسبة الحمل بالتلقيح 25 % وبالجماع الطبيعي 20% <<معلومه ..هع وبس ياصباياا هادا كلل موضوعي اتمنى منكم تدعوولي هالاسبوعين انوو ربي يفررح قلبي بحمل سلييم يالله واجيب توأم يااارب ..

مشكووورين ع متابعة موضوعي واهتماامكم الاكثر من راائع وراح ادعيلكم من كل قلبي والله ..فديييييتكم اناا الله لا يحرمكم الرزق يااارب ..