حقن المجهري

[فاطمةالزهراء]

السلام عليكم

هاي تجربتي الثالثة مع الحقن المجهري وانا اليوم التاسع من ترجيع الاجنة صبايا مين مرت ب هالتجربة
نفسي اعرف شو هي الاعراض الي مريتو فيها ؟؟؟
ساعات بيجيني مغص ويروح ووجع بضهري خصوصا لما اتحرك واتعب شوي بس في شي مخوفني بتنزل علي افرازات شفافة ومش عارفة حمل ولا متل الي قبلها ..
ارجوكم الي مرت بتجربتي تطمني او تحكيلي شو الاعراض الي مرت فيها

[فاطمةالزهراء]

ولا حدا تركلي رد

[ردينة عمرو]

هلا حبيبتي
الله يفرحك ويرزقك بالحمل السليم ويكملك على خير
الافرازات شي طبيعي جدا بعد العلاج والي مريتي فيه
امورك طبيعية لاتخافي مثل ما صار معي مافي شي زايد على الي قلتيه وكمان ماتوحمت ابدا بس كنت اشعر بالشبع اغلب الاحيان وفي اشياء كنت احبها اهملتها فالاكل وبس هدا طبعا فالشهر التاني من الحمل
اما فهاي الفترة مافي عرض معين والجسم اساسا لسى مابيتركز فيه الهرمون فما بيكون في تأثير كبير عليك وبأكد دائما كل وحدة بتختلف عن الثانية لا تشيلي هم ابدااا
اهتمي باكلك وشربك وادعي واذكري الله دائما بترتاحي وتحسي بثقة
واحب انبه الحركة مهمة تتمشي بالبيت الشغل الخفيف المسلي ترتيب البيت هدا كله ينشط الدورة الدموية ويساعد عالهضم حتى ماتعاني من امساك بعد الحمل لان وارد للحامل
اتمنى كون فدتك ويارب تبشرينا
واي سؤال انا حاضرة