إليك يا بكريه بحت عن فترة المخاض والولاده

[ام ياسمين*]

السلام عليكم ياحواميل
اليوم رح اقدم لك ياكروشات ملخص لمراحل المخاض وجمعت لكم صور توضح كل شي ان شالله
وهي خلاصة بحثي من عدة مواقع اجنبيه عن المخاض والولاده

*مساعدة زوجك او احد قريب لك في مساج
يسوي لك تدليك و مساج في الظهر
التشجيع بالعبارات ليبعد الشعوره بالخوف
يذكرها بتغيير وضعيتها والتبول
يشجعها على الاسترخاء ويساعدها في التنفس


مراحل المخاض ثلاث مراحل :
---------------

المرحله الاولى (بدايه الطلق):



ينفتح الرحم 3-4 سم تكون التقلصات غير منتظمه وخفيفه
وتستمر التقلصه لمده 20 ثانيه وتوقف بين كل تقلصه والثانيه 5-30 دقيقه
-راح تزيد التقلصات و تقوى
وتستمر التقلصه لمدة 40 ثانيه وراح تطول هالفترة
وهي اطول مرحله للمخاض

*اللي ممكن تسوينه :
ابدي بالتنفس المنتظم البطئ
سوي مساج خفيف للبطن او هزي الحوض بشكل تمايل
فرغي المثانه كل ساعه
اشربي حليب ساخن وكثري من السوائل للتعويض عن اللي فقدتيه
استرخي بين التقلصات انسدحي على الجانب الايسر اذا يريحك وحطي وساده بين ركبتك

*طريقة التنفس :
ابدي وانهي التقلصه بالتنفس العميق
خذي نفس عميق من الانف وخلي البطن يتمدد (ينتفخ ) اول ثم الصدر وازفريه بصوت مسموع من الفم
بهذي الطريقه راح تعطين نفسك والجنين اوكسجين اضافي
وراح يساعد في الاسترخاء والتركيز وتوفير الجهد


*جلستك اثناء المخاض:
الافضل تكونين يا واقفه او جالسه مع تحريك الحوض افضل من الاستلقاء
لان الجاذبيه تساعد الجنين في النزول وراسه راح يفتح الرحم ويوسعه
وافضل وضعيه تكونين فيها
المشي او الرقص البطئ او صعود الدرج
وبالحركه راح الجنين ينزل بسهوله باذن الله

يتبع

[ام ياسمين*]

المرحله الثانيه :
---------


اللي راح تحسين فيه ان التقلصات تكون بين 3-4 دقايق وتدوم لمده
40 ثانيه بشده واقوى ممكن يكون الالم في الظهر من متوسط الى شديد
الرحم يكون فاتح 5-8 سم
وهذي الفتره اقصر من اللي قبل

حاولي تتنفسين بالايقاع البطئ اذا انت قادره
واذا مانفع سوي التنفس السريع السطحي اللي هو
شهيق وزفير من الفم (يكون الزفير بشكل حرف (o) او (هي) او (هاه)
حاولي يكون التنفس خفيف سطحي ومريح
اذا حسيتي بالدوخه ممكن يكون تنفسك سريع لازم تبطينه

اللي ممكن تسوينه :
-----------
التدليك اللطيف للكتفين والظهر مفيد
تغيير الوضعيه باستمرار
استريحي بين التقلصات
فرغي المثانه كل ساعه
استخدمي وضعيات تساعد في فتح عنق الرحم وهي تساعد الجنين يتحرك للحوض بسرعه ويقل الالم
مثل المشي والقرفصاء والركوع للامام على كرسي او كره الولاده

في هذه الفتره تذهب للمستشفى وكملي هناك الوضعيات اللي راح اذكرها بدون حرج او خوف
ولا تنامين على ظهرك وتسكتين لانه راح يزيد الالم وتطول الولاده بعدين يقولون لك عمليه
وكل هذا بيد الله وبذن الله تكون ولاده سهله وميسره

يتبع

[ام ياسمين*]

هنا افضل وضعيات تساعد على فتح الرحم وتخفف التقلصات :
افضل شي للحامل انها تغير حركتها بالشكل اللي يريحها لان البقاء على وضعيه وحده يزيد التوتر والالم
جربي وضعيه لجسمك تحسين فيها بالاسترخاء وتبقين فيها مسيطره على الالم جربي كل الوضعيات لحد ما تلقين اللي
يريحك
_
وضعيه رقم 1
الرقص البطي



بلف اليدين حول رقبته وتبدين بالتمايل وهي حركه مريحه للظهر


وضعيه رقم 2
جلسة تايلور Tailor sitting



تساعد على تمدد عضلات الفخذين والظهر والحوض وتحسن تدفق الدم للجزء السفلي
وهو تمرين مهم لصحة الحامل ويجنبها ألام اسفل الظهر والورك

وضعيه رقم 3
جلسة القرفصاء Squatting




اذا تقدرين على هالوضعيه سويها كل دقيقه لانها تفتح الحوض وتعطي مجال كبير ان الجنين ينزل لتحت
وهالوضعيه غير متعبه

وضعيه رقم 4
الميل للامام



اذا كان ظهرك مؤلم وقت المخاض ميلي للامام راح تحسين براحه اما تتمددين على كرسي او تركين على طاوله

وضعيه رقم 5
الركوع Kneeling



احيانا الركوع يساعد في تخفيف الم الظهر ممكن الركوع على كرسي او استخدام كره الولاده او كومه من الوسائد او على طرف

السرير واليدين فوق السرير هذي الوضعيه تخليك مرتاحه وتركزين وتهدي نفسك


وضعيه رقم 6
على اليدين والركبتين على الارض او السرير



تخفف من الام الظهر وتساعد الجنين انه يكون بافضل وضع للخروج
وتعزز امداد الجنين بالاكسجين

وضعيه رقم 7
النوم على الجانب



اذا انتي بحاجه للراحه استلقي على جنبك وحطي وسائد بين ركبتك
هذي الوضعيه تساعد على تدفق الدم للرحم والجنين وتخفف من الم الظهر

ملاحظه كل الوضعيات السابقه استخدمي معها تمايل للحوض بشكل خفيف وبطئ

يتبع..

[ام ياسمين*]

المرحله الاخيره
------------


ينفتح الرحم 8-10 سم
التقلصات تكون قويه وتدوم بين 60-90 ثانيه والفاصل بينهم 1-2 دقيقه
وهي اقصر مرحله

راح تحسين ببروده وحراره
والافضل لبس جوارب للتدفئه
رغبه في التغوط
خليك على التنفس السريع ولا تحبسين انفاسك
رغبه في الدفع لكن لا تدفين لما يتوسع الرحم تماما ويقولون لك دفي
راح تعرفين ان الرحم توسع تاما بان التقلصات تتوقف لفتره قليله 3-5 دقايق
خلي وضعك مريح واستعدي للدف
وضعيه القرفصاء افضل من النوم على الظهر لانها تفتح الحوض وتتحكم الام اكثر

دفي اذا حسيتي بالتقلصه واستريحي بين التقلصات وريحي منطقه العجان
وتنفسي تنفس سريع
اهم نقطه كثير اجانب يركزون عليها
استمعي الى جسمك مهما كان اللي قدامك يقول دفي
اذا كنتي تشعرين ان فيه حاجه لدف ولا لا
راح يبدا الجنين يطلع نفسه ويطلع لهذي الدنيا سليم معافا بذن الله



------------------------------
من خلال البحث اكتشفت اكتشافات خطيره ومهمه:
او يمكن البعض يعرفها:
*الطلوق تخف ويزيد الالم اذا انسدحتي على ظهرك
والجنين يتغير وضعه ولا يعرف كيف يطلع فيصير يتعصر لما يعرف كيف يدف نفسه وراح تطول مده الولاده
بعكس لو كنتي بوضعيه القرفصاء بيطلع بكل سهوله لان الجاذبيه راح تساعده
لكن وضعيه النوم على الظهر تصعب عليه هالشي
هذا كلام قاله دكتور فرنسي

*لو حسيتي بالطلوق وانتي بالبيت
تتحممين بمويه دافيه تميل للحراره وخصوصا منقطة الظهر
واكثر الحريم اللي شفتهم تكون جالسه بمغطس ويصبون على ظهرها المويه

مساج الظهر وهز الحوض مهم جدا ومريح كل المقاطع اللي شفتها يسوونه


وان شالله الكل يستفيد من الموضوع .....

الله يسهل عليكم يارب ويقومكم بالسلامه

[ام ياسمين*]

Op
.
.
.
.

[بنااتي كل حيااتي]

الله يسهل لكل حامل ويقومون بالسلامه دعواتكم ربي يشفيني من الغده

[Noona1989k]

يعطيك العافيه اختي والله يسهل علينا وعلى كل حامل ياارب

[ام ياسمين*]

بنااتي كل حيااتي الله يرزقك يالغاليه عجلا غير اجل

[ام ياسمين*]

Noona1989k الله يسهل عليك وعلى الحوامل يااارب

[فرح 2016]

الله يسهل علينا يارب

ويسهل ولاداتنا

ويقومنا بالسلامه

ويرزقنا الاطفال السليمين المعافين