قررت أنفصل عن زوجي،إدعولي

[Huda.91]

السلام عليكم ورحمة الله

أنا جاية أطلب رأيكم في حاجة
أنا ولدت من 3 شهور الحمدلله وفي فترة نفاسي زوجي فصل من الدوام
هو عسكري ومن أول يقول يبغى يفصل ومدري إيش
ومن هالفترة هو تغير كثير علي
وكل ماقلت له شي وصارحته قال نفسية ومصاريف
صار يحطني عند أهلي ويجمع أصحابه باالبيت
أو يروح يدور اعمال حرة
صرت أجلس عند أهلي أسبوع أو أسبوع ونص
وإذا تكلمت معه وقلت له تعال خذني صار يسوي مشكلة من أي شي عشان يأجل
وألحين أقوله البنت تعبانة تعال شوفها يتحجج ماعنده فلوس يعبي بنزين وهو يعطي أصحابه السيارة ويروحون يتمشون
وإذا رحت البيت قعدت يومين يخليني أغلب الوقت ويجلس معهم وأقعد أنا طول الوقت لحالي
أنا تعبت مرة من أسلوبه وتعامله معي
ومن قلة المادة
صرت أنا أدور على شغل عشان أسد حاجتي أنا وبنتي
يعني لا معاملة ككويسة ولا حياة زي الناس والعالم
ولما أتكلم معه أقوله شلون فصلت من الدوام ومافكرت كيف بنصرف وندفع أجار البيت
يصير يهاوش ويقول إنتي همك الفلوس



آخرتها قبل يومين رحت أطعم البنت وارتفعت حرارتها قلتله تعال عند بنتك لان مافي أحد رجال بالبيت لو ارتفعت حرارتها شلون اطلع بالليل
صار يهاوش ولا همه
أنا تعبت وأفكر إني أنفصل عنه لان بكل الحالات تشردت انا وبنتي كله بسببه وسبب أصحابه
ومافي أحد أقدر أكلمه
أمه ماهمها الا نفسها
وأبوه بعيد عنه ومتزاعل معه