اجهاض بدون نزول الكيس والجنين

[Noosha]

السلام عليكم ورحمة الله وبركاته

اخواتي دخيلكم ساعدوني اللي عندها خبره ولا تجربه

انا اختي حامل بثمانية اسابيع حسب حسابها من اخر دوره بس الحمل في السونار عمره 5 اسابيع من كم يوم نزل عليها دم وااايد وقطع بعد. في المستشفى يقولون لها الجنين مبين نقطه داخل الكيس وصغير وايد على عمره يعني احتمال وقف نموه.
الحين ما تعرف شو سبب الدم اللي نزل؟ ودامه نزل ليش الجنين والكيس باقي موجود؟

سؤالي إذا صار اجهاض مش المفروض انه ينزل كامل مره وحده الجنين والكيس؟
ولا ينزل بعد فتره؟ يعني اللي اعرفه الاجهاض يكون نفس الدوره ينزل ايام ورا بعض لين ينزل الكيس والجنين بس هي نزل دم وقطع وانقطع ولا نزل لا كيس ولا جنين؟

دخيلكم طمنونا لا تهملون موضوعي

[Noosha]

انت عيوني
تسلمين على الرد


باقي البنااات ويييييينكم دخيلكم ردوا..

[يارب ارزقني الذرية]

اول مره تمر علي حاله كذا
ان شاء الله تلاقين بنات يفيدونك
وربي يثبت لها حملها

[ام ياراااا]

ماعندي علم في حالتهااا....

الله يثبت حملهااا...ويرزقها الذرية الصالحة

[بحــ العيون ــــــــر]

ماااعندي علم ان شااااااااء الله االبنات مااااايقصرون معك

[Am Fatmai]

حبيبتي الله اعلم شو يلي صار معاها
بس افضل شي تسوي تحليل رقمي
انتبهي رقمي مو عادي
وتعيده بعد يوم او يومين
اذا تضاعف العدد يكون الحمل بخير وعافيه
واذا نزل العدد
يكون عوضها على ربي ان شاءالله
ربي يثبت حملها ويكون حمل سليم يارب

[أنوار الولاية]

يمكن تكون حامل بتوأم وواحد نزل

لازم تسوي تحليل دم رقمي حتى تعرف اذا كانت النسبة تضاعف فالجنين بخير

[نوآره]

غاليتي انا توني من اسبوع راجعت الدكتوره
وقالت لي ان حملي ضعيف وطلبت مني اترك المثبت
تركته لان فترة حملي شهر واسبوع كان ينزل معاي دم بني فاتح فلما شافت تحليل هرمون الحليب نازل قالت لي الكيس فاضي يعني مافي جنين مات لما تركت المثبت اسبوع وزاد الدم وبعدها نزل الكيس والحين دوره كثيفه في حالات يموت الجنين وماينزل الكيس خلي اختك تسوي سونار تتاكد واذ وقف الدم هذا يعني ان الجنين حي بس قولي لها تسوي سونار ولا تغامر ولا وتشرب اعشاب تنزل الكيس لان احتمال حملها ضعيف ويحتاج اهتمام منها والله يثبته له يارب
وخليها تراجع دكتورتها ضروري لاتعتمد على تجارب الناس الارحام تختلف سبحان الله وكل حمل يختلف

[ام تقي الجواد]

الله يرزقج بحمل سليم ثابت

[ام ترف35]

حبيبتي انا قعدت شهر كامل بعد توقف نبض الجنين في الاسبوع السابع وكان كل مره سونار يصغر وصار زي النقطه مو واضح وبعد الشهر صار معي الام شديده ونزف. ونزل الحمل بعد النزيف بيوم دعواتكم لي صار معي اجهاضين ورى بعض وماعندي اطفال
الله يعوضني ويعوضها خير ياااارب