ساعدوني الله يخليكم

[راجية ربها]

السلام عليكم ورحمة الله وبركاته

انا جديده عليكم ويشرفني انضم اليكم منتدى رائع وعضوات اروع المهم بدخل بموضوعي يااخواتي انا حامل في شهرين رحت للدكتوره اخر مراجعه ليه قبل امس صلحت لي سونار مهبلي قالت كيس الحمل عندك نازل ونمو الجنين ضعيف وهو راح ينزل 90 في الميه والله زعلت وانصدمت وضاق صدري من كلامها وصفت لي مضاد حيوي وغسول استخدمه مرتين في اليوم وتقول اول ماينزل عليك دم تعالي اسوي عملية تنضيف المهم ماستخدمت ولاعلاج قلت بروح اتأكد من مستشفى ثاني يوم رحت سويت اشعه تلفزيونيه قلوا لي مافيه حمل اصلا مابان كيس الجنين عملو لي تحليل بول طلع حمل قالت بسوي لك تنويم وعملية تنضيف بس رفضت قلت بروح مستشفى ثاني رحت قالوا مافيه كيس ولاجنين ولايحتاج عملية تنضيف ولاشي قالت لي الدكتوره اكيد نزل عليك الجنين قلت كيف بدون ماينزل عليه دم وبعدين اعراض الحمل كلها تجيني والدوره مانزلت وعملت تحليل بول وطلع حمل قالت بنعمل لك تحليل دم نشوف الهرمون و عملته وطلع عالي مرتفع الهرمون قالت لازم نعيد التحليل واعطتني موعد يوم الخميس اعمل تحليل ثاني وقالت لي هذا الحمل كيميائي ومارح يستمر معك والله حيروووني مادري كيف وضعي ناس يقولو حامل وناس يقولون مافيه حمل يعني وين اختفى الكيس والجنين لانه كان باين بداية الحمل آآآآآه حالتي مايعلم فيها غير ربي الله يخليكم من مرت بنفس حالتي او سمعت عنها تفيدني لان المثل يقول أسأل مجرب ولاتسأل طبيب اسفه طولت عليكم