طلق صناعي والا طبيعي

[أم جهآد]

بسم الله الرحمن الرحيم

مرحبا بنات .. كل وحدة باسمها ..

يارب تكونو كل ابوكم بخير .. اللي ماحملت يارب تحمل .. واللي على وشك ولادة ربي يسهلها لها ولكل مسلمة ..


ماعرفت فين اكتب استشارتي ..

حبيت اخذ رايكم طبعا اللي عندها خبرة ..

انا حاليا اعيش بلندن .. ومتابعة حملي عند دكتورة مصرية مسلمة ولله الحمد ..

موعد ولادتي اللي حددو ليا دكتوري اللي سوالي الانابيب ( لانو حملي انابيب ) .. الموعد 11\11\11 .. << ملكي :)

المهم ودكتورتي الحين تقول شكلك بتولدي قبل موعدك .. بالرغم مافي شي يدل على الولادة للعلم انا باقيلي يومين اخلص الاسبوع الـ 36 .. الراس تحت من فترة بس مو بالحوض .. والبطن فووووووق كسرت ضلوعي البنت من كثر ماتدفني .. وبالموت اتنفس ..

ماحسيت في علامات ولادة والدكتورة قالت لازم تحدديلي يوم حابة تولدي فيه عشان اجراءات المستشفى لانو مستشفى خاص .. قالت لو حكومي عادي وقت مايجيكي الطلق تروحي تولدي بس الخاص لازم تحددي عشان ابدأ ارتبلك عشان ماتجي فجاة ويقولو مافي غرفة .. وقتها قالت راح تعطيني طلق صناعي .. الكلام مو داخل راسي بصراحة بس ارجع اقول هيه ادرى وخبرتها 17 سنة ..

ولما اشوف بطني معلقة فوق ومافي شي يدل على قرب الولادة ابطل .. لاني قلتلها نحدد يوم 3\11\11 .. يعني قبل الموعد المحدد باسبوع تقريبا ..

وهنا ببريطانيا لازم تحجزي ميد وايف اللي هيه الممرضة المرافقة لكي طول فترة ولادتك وبعدها .. ولما رحت احجزها قالو عادي وقت ماتحسي بالطلق كلمينا نجهزلك غرفتك حتى قالو جناح مو غرفة وتعالي على طول تكون ممرضتك المرافقة بانتظارك الين نتصل على دكتورتك اللي راح تولدك ..

الحين اللي ابغى اخذ رايكم فيه :

اروح موعد الدكتورة 3\11 والا استنى ليوم موعدي 11\11 والا استنى اي علامة زي خروج سدادة عنق الرحم مثلا ؟

اخذ الطلق الصناعي وانا لسى ماحسيت بشي وبطني فوق والا استنى الطلق الطبيعي ؟

تعبت من التفكير .. لاني بكرية طبعا ومدري عن شي غير خبرات البنات بالنت .. حتى غثيت الدكتورة كل يوم طالعتلها بسالفة قريتها بالنت من البنات ..

ودمتو بخير يارب ..