اول حمل لي ، هذا وحام ولا لا !!

[راضيه بقسمة ربي]

مرحباً بنات

أنا حامل بالاسبوع السابع الحمدالله وهذا اول حمل لي ! فمادري وشو الوحام بالضبط !

أنا صاير لي يمكن يومين فجأة احس أني مشتهيه أكله معينه ، لكن خلال ساعتيين بسس تقريبا اذا ما كلتها احس الله يعز النعمه ما اشتهيها ولا اتحمل اشوفها قدامي بعد !!

و مرات احس الاكل فلل واصل لنص المريئ ( يعني عند القلب ) و اكون جوعانه بس احس لو اكلت شي الله يكرمكم برجع !!
امس حاولت اروح الحمام ارجع لكن مافي شي ( سامحوني ع الوصف ) ، واليوم حسيت فيه و انا نايمه كنه غثيان صحيت من النوم بسببه بس رجعت غصب كملت نومي !!!


لاحظوا ان هذا كلللله يجي فجأه باليوم و فجأه يختفي !! يعني الحين انا اكتب لكم وش زيني ، لكن تعالوا شوفوني العصر ولا المغرب مثلا يجيني ساعتين او ثلاث ساعات و يختفي !!


امي تقولي لا تتوهمين دام ما جاك اول الشهر الثاني يعني ان شاء الله ما عندك وحام .. طيب هذا وشو ؟! 😭💔

[حياتي توأمي]

هذا وحااام هو نفسه حبيبتي
الوحام عادةً يبدأ من الشهر الثاني نصفه تقريباً مو أوله ويعتمد مو الكل مثل بعض في حريم مايحسون بوحام

بس اللي انتي تمرين فيه طبيعي مامنه خوف هذا كله من الحمل

الله يتمملك ع خيررر

[راضيه بقسمة ربي]

يعطيك العافيه حبيبتي حياتي توأمي ، اللهم بارك ردودك اشبهها بالمطر اينما وقع نفع

دائما تثلج الصدر و تريح الخاطر .. الله يبارك فيك يارب

[أم بذرة]

عادي ياقلبي وهذا فعلا وحام بس انتي عام هه يعني مو علي شيء معين
وامك صادقة لاتركزين فية لانو اذا ركزتي فعلا يزيد ويتعبك .

[υм вtℓαα]

طبيعي خيتي البعض ماتحس بوحام والبعض تحس
انتي لاتركزين ع شي معين والله يتمملك ع خير

[عرق الوتين ♡]

ي حييياتي مثلي م كنت اعرف للوحام بس الحمد لله عدى علي ولا استفرغت ولا دخت كمان مثلك اول حمل ربي يتمم لك على خير ويثبته
دمتي بود ♡