مشكلة امي كيف احلها

[مي مي]

السلام عليكم ورحمة الله وبركاته
اتمنى تقبلوني عضوه جديده معكم

اسمحولي بدخل بالموضوع على طول
امي الله يخليها لي امس شكتلي من مشكلة صارت بينها هي وابوي وانا اصلا عارفه بس امي اول مره تفتحلي قلبها وتتكلم

المشكله هي ان ابوي صارله تقريبا سنتين ماينام مع امي بغرفة النوم دايم نايم بالصالة
وطبعا من وقتها ماصار بينهم جماع
هي تقول انها شاكه بالشغالة وانه من بعد ماسافرت الشغالة بتقريبا اسبوع طلع ينام بالصاله وصارت ذيك الفتره بينهم مشكلة
وتقول ان الشغاله مسويتله سحر ومدري وشو
والحين قاعد يزن يبي يتزوج وامي مسكينه تبكي وميته قهر
المهم
انا عارفه ان الشغالات بلاويهم كثيرة ومااستبعد تكون سوتله سحر
بس بصراحه امي بعد غلطانه
يعني مهمله بنفسها كثير
يعني ماتتحمم الا من الجمعه للجمعه وفي البيت دايم لابسه قمصان من ابو 30 ريال
والشعر منكوش والوضع يحزن
على ان ابوي من الناحيه الماديه مايقصر معها بس هي اقتصاديه حبتين
ودايم لما تتزين اذا جت تطلع ابوي يقولها انتي ماتتزينين الا عند الناس وعندي لا
حاولت اقولها تزيني في البيت تقول لا يعرفني ويعرف شكلي مايحتاج
الله يهديها عندها قناعات غريبه لما كنت نفاس عندها وزوجي كلمني قالي انه رح يجي قمت غيرت ملابسي وتزينت وتعطرت ولما شافتني قالت مين بيجي قلت زوجي قالت الله واكبر هذا كله عشان زوجك يعرفك مايحتاج اطلعيله لو بقميص
واذا قلتلها البسي من الجلابيات والبلايز الحلوه الي عندك بالدولاب تقول لا حرام ماابسها في البيت هذي بس للطلعة
وقالتلي ابوك يبي حرمه معاه وانا خلاص ماعاد عندي الي يبيه
هي عمرها تقريبا 55 وابوي يمكن 60
وتعرفون الحريم بهالعمر تقل رغبتهم الجنسية
بس من كلامها معي انها متضايقه من الوضع وتبيه يرجع ينام معها بغرفة النوم ويجيها من فترة لفترة مو يقطعها على طول
وتقول تبي تروح لشيخ يفك السحر بس من دون مايعرف ابوي
طبعا انا كلامها موداخل مزاجي وعارفه ابوي وش يبي
وفكرت قلت بجيب لهم مفرش سرير جديد واشتري لامي كم قميص نوم واحاول اخليها تغير شكلها بالبيت
تتوقعون هالشي بينفع ؟ ولا امي صادقه ان الي فيه سحر ؟

على فكره ابوي معزم على الزواج
لاني قبل كم يوم سمعته يكلم بالجوال ويقول انه متزوج بس مابينهم شي من سنتين وانها بس ام عياله
انا عارفه ان هالشي من حقه وربي حلل اربع
بس خايفه على امي خايفه يجيها شي لودرت خاصه من كلام الناس الي ماترحم رح يتشمتون فيها واولهم خواتها
اتمنى لوكان فيه بالمنتدى حريم كبار يساعدوني لانهم اخبر

[ماما جديده]

ياقلبي الله يعينكم بسس انتي اضغطي ع امك تغير وضعها حاولي فيها قولي لها عشان كذا هو بيعرس وربي معكم

[xRano0x]

انتي فاهماا ماشالله علييييك يعني كل اللي قلتييه صح ام غلطاانا وااااايد والرجااال مهماا كبر بالسن يحب يشووف الزيين وربي ماشالله ماراح اقوول امي .. امي صغيراا بعدهاا بس ام زوجي ماشالله عمرهاا فووق الستين يعني 67 حولهاا وعمي فوق السبعين بس مايسمع فيهاا صح انهاا تتزين بزينة زماان يعني بالبخوور والطيب والحناا والقمصاان الكشخاا حقت زماان وداايم توفرلوو طلبااتو وتسوولف عليه حتى مايحب ياكل شي من غير يدهاا وادا دخل البيت يفر يدوور عليهاا ماشالله تباارك الله وهادا كللوو من اهتمامهاا فيه الله يحفظهم يااارب لازم امك تهتم فيه وتغير من نفسهاا وطالماا شكتلك فالحل بيدك انشالله لا ترمي المشكله اللي متعلقه فيهاا ع ظهر الشغاله اول شي لازم تعدل اغلاطهاا وتتقربلوو ادا مافي تغيير ولازم تصبر شهر عشاان تشووف الفرق بعد كداا تشك في الشغاله .. الله يسهل امركم يااارب ويسخره لبعض ويخليهم لك ياارب ..

[سيدة الغرام]

هااى حبيبتي انتي حاولي في امك انها تتغير اوضعها الرجال في كبار سن يحبون الحريم مزينين لهم ياقلبي مو بس برااء الحريم فقط وانتي الازم تساعدين امك تغيرين المفرش وتعطرين الغرفه وتبخرينه وامك الزم تغير من جلابيات او درعه حلوين كذاا وان شاء الله ياقلبي راح يتغير الوضع لي امك فيها

وتقبلي مروري ياقلبووووو

[مي مي]

ماما جديدة xRano0x
شكرا على الردود

[مي مي]

سيدة الغرام
تسلمي على الرد وبحاول معها

[**سماسم**]

الحل يالغاليه مو بيدج بيد أمج وقلي لها هذا مو سحر ولو الشغاله ساحرته كان تلاقينه من ثاني يوم سافرت فيه هو عندها ..
سن الستين يسمى السن الانفلاتي من عمر الرجل وفيه يمارس مراهقته المتأخره وبيثبت أنه قادر وماوصل لسن الضعف لهــ سبب نسمع منهم مقولة بجدد شبابي ويبي يتزوج ..
ويقولون أن الجمال الحقيقى للمرأة يكتمل فى الأربعين فان الجمال لدى الرجل يبدأ فى الخمسين ويزدهر فى الستين ويستمر فى الارتفاع كلما امتدت سنوات العمر به..
يالغاليه أكيد أنتي تعرفين أمج زين وتعرفين نقاط ضعفها أستغلي هذي النقاط بصالح أبوج وبقولج شغله لاتخلين أمج تتغير مره وحده لاء أبدي وياها حبه حبه مثلاً عطيها برنامج أنها بعد ماتخلص الغداء ويتغدون البيت تروح وتاخذ شور وأوكيه تلبس لبس البيت إلي متعوده عليه لاكن تحط شوي حمرة شفاه خفيفه وهم كحل داخل العين وتتعطر بدهن العود وهذا الشيء حتى هي تهيء نفسها لهذا التغيير لو بتغيرنها فجاءه مراح تتقبل ويمكن يومين وراح تمل وشوي شوي وبالتدريج خليها تتخلا عن اللبس إلي تلبسه بالبيت وقولي لها أن البس الواسع هو إلي يخرب الجسم..
والاهم الريق الحلو والتعامل مع أبوج ..
وخليها تقنعه أنو مالها داعي نومة الصاله وأن الغرفه أشتاقت لصاحبها ومن هلكلام وصدقيني تغيير تعاملها معه أهم من تغيير لبسها وشكلها ..
والله يخلهم لج يالغاليه ويصلح إلي بينهم
,,

[TOomy]

حبيبتي الرجال حتى لو كبر يحب يشوف الزين
وحاولي تكلمين امج عشان تتعدل وتحط العود والبخووور
والله يهديها فهميها ياقلبي

[وردة فهد]

انا اقول ان الرجال اذا في باله الزواج والله ليتزوج لو غيرت من شكلها ولبسها وكل شيء فيها لكن خليها ترضخ للامر الواقع وان شاء الله بعد الزواج يتغير يصير يوم عندها ويوم عند الجديده يعني يصير يجيها مو زي اول لان مادام له سنتين ماجاها ماراح يرجع لها في يوم وليله خلاص والله عمي كذا كان في باله الزواج من بعد سنه من زواجه والحين له 30 سنه من زواجه ومانسي الزواج والحين تزوج بنت ومبسوووووط مررره وصار يوم عند الاولى ويوم عند الثانيه يعني مانسي الاولى انا ماابغى احبطك والله بس هذا من الي شفته من كثير من الرجال والله

[مرسين]

حبيبتي الاخوات ماقصرو الله يكون بل عون