لكل من عانت اكتأب الولاده وغير الولاده اكتبي تجربتك

[ام جيانا]

اسعد الله ايامكن بكل الخيرات

احببت ان اشارككن ذكريات الالم التي بإذن الله تنذكر وماتنعاد

انا ممن قدر الله عليهن ان تصاب بإكتأب النفاس والحمد لله فتره وعدت

بكل حب وبكل رغبه في ان افيد اخواتي قررت اكتب تجربتي

مع الاكتاب وياليت من الاخوات الي مرو بها الازمه يكتبون

تجاربهن حتى نفيد غيرنا ونساعد من هم حالياً يمرون بها الازمه

وهنا مو بس اكتاب النفاس لا اي نوع من الاكتاب نكتب عن

تجارب عشناها الاعراض خطوات العلاج وماوصلنا له

وايش الي طلعت فيه من تجربتك

وانا ببدا بنفسي ويارب تكون تجربتي مفيده للكل

الحمد لله كما ينبغي لجلال وجهه الكريم

قصتي بدات مع حملي الاخير

ومع اني مو ام جديده ولكن هالمره غير بكل المقاييس

حملت وعندي طفل بعمر السنتين

كان الحمل بدون تخطيط والحمد لله ربي اراد

المهم عدت الشهور الاولى والوسط على خير

لكن مع بداية الشهر السابع بدت بوادر الاكتاب تظهر عندي

والي زاد الطين بله اني اجهل هالموضوع مره

ولا اعرف ان فيه شيء اسمه اكتاب

وممكن يصيب الحامل والنفاس

المهم تعدي الايام بقليل من الضيق والهم

ولما وصلت للشهر التاسع صرت احس بضيق بصدري لا يطاق

وخووووووف الله لا يوريه مسلمه وهم والم وحزن وعدم نوم

تخيلو ماكنت انااااااااااااام ابد
اغير وضعي واسمي
مافيه فايددددده

اقوم اخذ لفه بالبيت واشرب كوب لبن عسى ولعل انام

ومافيه امل انام صرت كأني مدمنه

كنت اشكي لزوجي بس هو مااهتم ولا اعطى الموضوع اي اهتمام

ومشغول بتجارته واعماله الخاصه وانا صفر ع الشمال

كان يحسسني اني هم على قلبه

وهذا الشي زاد المشكله تعقيد

بنات والله حتى الاكل صرت مااكل

تخيلتو الوضع كيف ؟؟

لانوووووم

ولا اكل

وبس تفكيررر

وخوووووف

بعدها باسبوع انهرت بالبكاء ورحت للدكتوره

ومافهمت الي عندي هو شي نفسي بالعكس

.........................

وولدت وانتهى حملي

ولكن

حملت شيء اكبر واثقل بعد خروجي من غرفة الولاده مباشرةً
طبعاً انا اولد قيصري

وللاسف الله المستعان ابتليت بطبيبه كل همها الماده

بعد الولاده مااحسيت الفرحه الي تحسها كل ام بمولودها الجديد

الا خايفه بشكل ولا انااااااااام

وجووووووعانه بس مااشتهي الاكل ابد

وقلقانه ومتوتره

وضااااااااااااااايق صدري

وودي اصرخ صرخه يسمعها كل من على الارض

بنات كنت احس اني بمووووت

الم بكل جسمي وضيقه عمري ماحسيتها
والله مهما اكتب ماتتخيلون كيف

للاسف
لا
الدكتوره
ولا
زوجي
ولا
اهلي
ولا
انا
انتبهنا ان الموضوع نفسي

ومرررررت الاربعين على نفس الوضع وزاد الضيق والحزن والخوف
ومافي شي بالدنيا ممكن يحسسني براحه

بعدها
ربي
هدانا انه لازم نشوف للموضوع بالمستشفى
وفعلا رحت لدكتوره ثانيه
وقالتلي لازم تشوفين طبيب نفسي
ورحت
ودخلت
وقلت كل الي صار معي
وصرت اخذ جلسات ومهدأت
وضليت سنه
والحمد لله كل شهر كان اهون من الي قبله
لين تركت العلاااج
وقالي الدكتور الله معك
وانتبهي على نفسك
وغيري طريقة تفكيرك
وقوي صلتك بالله

والحمد لله انتهت معاناتي والله لا يوريها لمسلمه

انا ابي بس بعد هالتجربه افيد كل خواتي
انتبهي لنفسيتك
كثر
ماتنتبهي لجسمك
وخليك قويه
ولا تراكمي همومك

كوني قويه بالله

ولا تسمحي للخوف من اي شي يتملكك


اتمنى للجميع الفايده
والله من ورا القصد
انا ماكتبت قصتي الا افيد بها غيري
وياجعل عيونكم ماتشوف الي شفته

تمنياتي للجميع بدوام الصحه والسعاده


ام جيانا


.................