نفسي اصير ام...ما رايكم تعرفوا شو صار معي؟؟

[سيدة العمر]

السلام عليكم ورحمة الله وبركاته
اعلم انها قصة مكررة بالنسبة لكن وقد تكون مملة للبعض ولكنها تعتبر مشكلتى الاولى والاهم بحياتى...انها مشكلة تاخرى بالانجاب وسارويها لكن باختصار شديد...لعل وعسى تساعدونى او توقفوا معى او يمكن دعوة من احدكن لى تستجاب...


زي منتو شايفين صارلي سنة و7 شهور متجوزة لكن ولله كانو ليا عشر سنوات... انطفت فرحتى بلشهر الثانى من زواجي وانا لساتنى عروس لما عرفت انو زوجى نسبته ضعيفة 2 مليون وحتى هذه النسبة فيها مشوهين ويوجد لزوجة شديدة والتهابات عنده...عرفت انى مش حخلف عطول الا لما ادوق المر... علما انو طول عمرى بحلم بهاى اللحظة الى احمل فيها وانجب... ولله قبل مااتزوج كان قلبي حاسسنى انى لن انجب بسرعه..
انطفا قلبي وصرت ابكى واعيط وحكيت لوالدتى وزعلت عليا موت موت موت...لانو حياتها فيها الى مكفيها..


بدات رحلة العلاج وطبعا الى بيلف وبيدور مش الزوج لا طبعا... الزوجه هيا الى عليها كل شي.... اولها ما اتقبلت انو حد يكشف عليا وكنت ابكى واتشنج واصاب بانهيار عصبي كل ما روحت لحد وغيرت 3 دكاتره...

واحدثكن ان مرة من المرات الطبيب عمل لي فحص مابعد الجماع.... هذا الحكي قبل سنة ولليوم كل ما اتزكر شو صار فيا يومها ببكى من كتر الالم والخزى و الخجل والحسرة... وروحت البيت انتحبت وبكيت بشدة. وصرت اصرخ بجنون فوق سريري.. زوجي حزن عليا ووافق انه نغيره علما انه احسن دكتور موجود بكل منطقتنا ومدينتنا...
طبعا زوجى راح مرة لطبيب وقررله عملية دوالى ... اولها رفض وحماتى كمان الله يهديها .... وخلا كل شي عليا انا
نسيت احكيلكم عن وضعي... انا الحمدلله عندي كل شي ممتاز والتبويض كويس...ويصل حجم البويضه عندي احيانا الى 21 او 22 وماعندي اى مشاكل...غير شوية التهابات اتعالجتلها...وهرموناتى كويسة


واخيرا استقريت مع دكتورة وقعدت اراجع معاها سنة ....كل شوية تخلينى اراجع مرة عشان تشوف التبويض ومرة عشان مابعرف شو...وقررتلى انى اعمل عملية توسيع عنق رحم ال عشان عملية الزراعه "عشان لما يدخلو انبوب التلقيح ما يواجهوا صعوبات وحكتلى انو عندي ضيق فيه" وفعلا عملتها مرتين مش مرة وتعبت وعانيت ودخلت غرفة عمليات واتبنجت وبكيت واتلمت وبكوا اهلى عليا موت........


ورجعت بدها لرحلة المراجعه مع نفس الطبيبة وكان اصعب احساس كنت اكره لما افحص ايام الدورة الشهرية... كنت ابكى بكاء شديد لانه الموضوع حساس وصعب عليا كرامتى ونفسي...وبعدها حسيت بملل مم الطبيبة وكل ما نقرر نعمل عملية اطفال الانابيب تتاجل سبحان الله يمكن 4 مرات تتاجل...
ومرة منهن عشان الطبيبة كانت بدها تسافر لمؤتمر ... واخر مرة اتاجلت بسبب انو زوجي راح يحمل تحليل لعدد الحيوانات المنوية لديه فوجها "نصف مليون" وهنا كانت الصاعقة الكبرى....


طبعا الطبيبة قالت انه مش حينفع خالص انو نعمل عملية بهذه النسب الضعيفة...ساعتها دور ع نفسه وحالو وراح لدكاترة كتير واتقرر انو يعمل الدوالى وعملها وصبرت عليه 5 شهور واتحسنت نسبته وكانت المفاجاه انها وصلت الى 20 مليون وبعدها صارت 15 وحاليا 7...وبالنهاية الدكتورة حكتلى عندي كيس حجمه 3 ونص وهنا اصبت بالجنون وصرت ابكى... يعنى لما نسبة زوجى تتحسن انا تصير عندى مشكلة؟؟ ااااااااه ياقلبي... طبعا مش حينفع اعمل عملية لانو ادوية التنشيط حتكبر حجم الكيس... اصبت بدها باكتئاب شديد جدا وكالعادة ببكي بنص الليل فجاة..وحكتلى يمكن ينزل الكيس بعد الدورة المقبلة وللاسف لم ينزل وحكتلى انا ممكن اضطر اعطيكي حبوب منع حمل... ياااااااااااه انا حموت و اخلف وبالاخر اخد حبوب منع الحمل؟؟ يالله
لكم ان تتخيلو كيف وصلت لاسوا مراحل ياسي....


اخر ما توصلت معها حكتلى مبيضك الاخر كويس وممكن تحملى طبيعي ونسبة زوجك جيدة ... وقفلت ملفى وحكتلى انا بانتظرك المرة الجاى ان تاتينى وانتى حامل... مر اكثر من شهر وماصار حمل وانا ولعت... غيرت الطبيبة وروحت لطبيب تاني ولما فحصنى حكالى مافيش كيس وفورا جهزنى لعملية تلقيح صناعي...اخذت ابرة تفجير ايام التبويض 1000بقوة علما انو انا عندى فوبيا من الابر وبخاف جدا...وكنت اخد parlodel لانو كان في عندى هرمون التبويض عالى شوية عشان الكيس...وعملت التلقيح قبل 15 يوم بالزبط... والمفروض بكرة الاربعاء 25/7/2012 احلل بس انا بدى احلل السبت اضمنلى لانو انو مافيا اعصاب...وخاصو انو دورتى موعدها هاليومين....هيا اعارضها اجتنى قبل يومين بس حاليا هدوء نسبي مش حاسة باى شي. او وجع.......بصراحة مش كتير متفاءلة وخايفة انصدم تانى وابدا الرجلة تانى مرة ... بجد تعبت كتير كتير وانا كتير تفاصيل ما حكتلكم اياها حتى لا تملو ومصاريف كتير كتير... نفسيتى تعبت من الناس والاقارب ونظرة الشماتة و الاعداء او نظرة الشفقة...




وغير هيك زوجي كتير مغلبنى هو انسان اناني ... ووبعد عملية التلقيح كان لازم ارتاح وما اتحرك لكنه غلبنى ومارضي يخدمنى كتير ويريحنى ومقصر فيا كتير...وبيركن عليا بكل شي... وسلبي ومابيحس فيا بالمرة ولاكانو من عنده المشكله......وكتير بنتخانق وبنتناقر...وبيتفنن كيف يطلعنى انو منى انا عندي المشكلة.... مرة بيقولى انو مهبلى بيخرج السائل المنوى تبعه،، ومرة بيقولى يمكن عندك شي يقتل الحيوانات المنوية ....تعبت من حياتى ...بحكى ليش هيك حظى بهالدنيا قليل وانا هالحكى مستحيل احكيه لحد لانو الناس فورا بتشمت ولانه موضوع حساس جدا جدا وزوجى بيزعل لو حد عرف فيه...
ادعولى ربنا يتمم حملى ع خير وانو تكون النتيجة يوم السبت ايجابية ... دعواتكم... يارب يااااااااااااااااارب
بالله عليكم ما تبخلو عليا باى شي حتى لو بكلمة حلوة.. انا محتاجاها مووووووووت... وياريت كل واحدة عملت تلقيح صناعي تحكيلي شو صار معاها؟
انا ليلي صار نهار وانقلبت حياتى من كتر التفكير والقلق واشعر وكان العبوس والكشرة من صفاتى...بعد ما كنت شخصية بتضحك ومبسوطة ورايقه!! بس الحمدلله ع كل شي... يارب رضنى بقضاءك وصبرنى