*تأخر الدورة*

[M!ss Foufi]

السلام عليكم و رحمة الله
أتمنى تكونوا بخير خواتي, و اعتذر لاني ما اشارك كثير بالمنتدى.
اليوم حبيت استفسر عن شي بعاني منه من ايام و متعبني نفسيا و جسديا.
الدورة متاخرة عندي اسبوعين, اليوم الي المفروض تنزل فيه جاني مغص قوي و نزلت بقعة دم و بعدها افرازات بنية و اختفى كل شي بعد كم ساعة, يومها انا اجهدت نفسي بالبيت فقلت يمكن من الاجهاد و للحين مستنياها تنزل, مغصها ذابحني بالاضافة الى انه احس بالم اسفل البطن الجهة الشمال, و تاخرها مسبب لي تعب, حرارة بجسمي و غثيان, و هالاعراض بالعادة تجيني قبل الدورة بكم يوم و اول ايام الدورة و تختفي عدا الم البطن, بس الحين الموضوع طول معاي, و صراحة صرت خايفة ليكون شي بالمبيض الشمال لان الالم لا يطاق, مستبعدة الحمل لاني ماشية على العزل حاليا بايام التبويض, و دورتي منتظمة, و سبق و حصل حمل قبل شهرين و اجهضت و الاعراض كانت مختلفة.
حابة اروح للمستشفى بس مستنية زوجي يجي من السفر و انا هنا مالي حد من اهلي و ماني حابة اخبر حد علشان ما يقلقون, و قلت استفسر هنا على الاقل.