محتاره

[روضانيه]

السلام عليكم ورحمة الله وبركاته
صراحه بنات اني ماعندي حل غير احجيلكم الموووضوع وانتوو انطوني رايكم ودلوني شنو اسوي
اولا اني ساكنه بمحافضة واهلي محافظه ثانيه بعيده عني
ثانيا اني طالبه ادرس في الجامعه مرحله اخيره باقي لي اربع اشهر واتخرج ان شاء الله
ثالثا والي كاسر قلبي وفكري عندي بيبي
بنات اني اتزوجت عن حب بس زوجي مرات طيب وحنون وكريم ومرات اشوووفه وحش قبل اشووي صارت مشكله اني وياه
العصر راح لبيت اهله ولبس وتعطر ورجع لاكاني مسوويته له عشه والبيت نضيف والبيبي ابد ماخليه يتعب او يمرض رغم معاناتي دوام وطبخ وتنضيف وخطار ولازم اروح لاهله ولازم ابد مااتعذر لو طلب شئ وكل هذا ولا يقدر تعب ويكوول دائما انتي ماتسوين شئ
هو كل وقته على الفيس او المزرعه السعيده بعد مايرجع من الشغل
المهم طولت عليكم اني قلبي معصور ومكبوته صار لي اسبووع واليوم غلط عليه واني مااسكت كلت الادب شكله ماينفع مع زوجي
ورجعت غلطت عليه اني وشيكوول هوو ارد عليه مع العلم اني من اربع اسنين متزوجه ولا يوم طولت اللساني عليه
صار يضربني والبيبي بحضني واني ابجي واصرخ وصار عندي انهيار عصبي وضرببته بدون ماادري وكوتله انطيني تلفوني اتصل على اهلي بس الدنيا ليل وهو مقبل بعدين لمن سكتت راح جاب التليفون وكالي ماااريدج واتصلت المشكله انا امي مريضه ومااكدر احجيلها على سواه زوجي كلت لها بس نقاشماكلتها ضربني وترك اثر بجسمي لان هي اتعرفه محترم ولا يوم حجيت لهم عنه بسوء ومشكلتي بعد امي اتعاني ورم براسها وبعد لها شهر واتسووي العمليه مااحب احرك كلبهاا .بنات شنو رايكم اروح عند اهلي واترك كليتي وانا بعد لي كم شهر واتخرج والبيبي ايكول بااخلي 100 محامي واخذه منج . لو اصبر على الغلط والسب من زوجي ودايم يغلط على ابووويه مع العلم والدي انسان جدا محترم ودكتوور معروف وامي بعد استاذه وهو اهله ماعندهم اي شهاده وانا اكووول اهم شئ الانسان مو الشهاده .بنات اني محتاره وتعبانه شنووو اسوووي ساعدوني هو مو دائما هيج يصير بس لمن يرجع من بيت اهله
بس انا مااكدر اكمل مع زوجي