حجزت للسفر بالطائره و انا في الشهر الخامس

[رونا90]

السلام عليكم بنات
انا حجزت للسفر بالطائره و انا في الشهر الخامس
و بعد ما حجزت خفت يكون في أثر عليي او على الجنين من السفر
والمشكله ما اقدر اسال الدكتوره لازم اخد موعد قبل بفتره
للعلم مدة السفر ساعه ونص فقط..
ياريت الي جربت ترد عليي

[Nonii_11]

ﻻ مافيها مشاكل باذن الله .
وهم يمنعو حوامل الشهر ال7 عشان يخافو يولدو بالطيارة بس ..
واعرف حريم يسافرو من نيوزيلندا واستراليا وهم حوامل بالخامس والرابع والسادس
ومدة السفر طويلة جدا + فيها ترانزيت ..

ومدام ساعة ونصف ابدا مافيها مشاكل باذن الله ، صديقتي سافرت من جدة للرياض وهي بالسابع وسمحولها لان المسافة قصيرة ..
وقل لن يصيبكم اﻻ ماكتب الله لكم ، الله يتمملك يارب ..

[khulood85]

حبيبتي توكلي على الله ثم استودعي جنينك ... بالعكس مايأثر لا تخافين حتى الدكتورة تنصح بالسفر في المرحله الثانيه من الحمل ... والله يطمنك ويحفظج

[دلوعة بالحيل]

سافري و انبسطي
باامر الله ما يصير لكم شي
توكلي ع الله
والله خير الحافظين

[ستايل]

لا تخافين ي قلبي انا من شهر سافرت
وكنت. مثلك خايفه بس توكلت ع الله
وماكوو الا الخير بس وقت التفتيش
خبريهم انك حامل. عشان الجهاز اذا عادي يخبرونك
واذا. موكوبس يفتشونك تفتيش يدوي

[رونا90]

يعطيكم العافية علردود طمنتوني ربي يطمنكم يارب :)

[أم عبادي2]

عادي ي عيني .. انا مثلك بالخامس وحاجزه ع بعد اسبوعين

وكنت اسافر وانا ماكملت شهر والحمدلله استودع جنيني الله وما اخاف

انتي مري ع المستشفى اذا تقدرين موب شرط موعد اساليها بس عادي وهي بتجاوبك عشان تتطمنين اكثر يعني