توقعات الطبيب لموعد الولادة ومدى مصداقيته

[عروسه]

السلام عليكم ورحمة الله وبركاته

اخواتي حبيباتي

سؤال لكل وحده ولدت أو جربت الولادة

هل دائما توقعات الطبيب للولادة صحيحه؟

ابغى اتطمن واعرف طبعا لا يعلم الغيب الا الله وساعة الولادة محجوبة عن البشر
لكن بسأل اللي ولدو هل ولدتو بنفس توقعات الطبيب او قبل او بعد وبكم يوم

لأني رحت لطبيبين
واحد قال لي 14\8
والثانيه قالت 16\8
تتوقعوا أولد بنفس الوقت

لأن لدي عمل بعيد عن مقري في الشهر التاسع ومضطرة اروح بنفسي اخذ اجازتي وخايفه
اني اولد ساعة روحتي خاصة ان عملي في قرية وماعندهم مستشفيات
بالله طمنوني كل وحده تقول متى توقعلها الطبيب ومتى ولدت بالضبط
وشكرا

[أخفي غلآه]

مو دآيم التوقعات تكون صحيحه بعضهم تتأخر اسسبوع اسبوعين وبعضهم تقدم اسبوع اسبوعين يعني مآتقدرين تقولين انه يوم محدد .. وأنتي اذا جآء اسبوعك اللي محددينه لك خلآص لآعآد تروحين ريحي نفسسك وخذي اجآزه ..
وآلله يسهل عليك وعلى كل الحوآمل ..

[عروسه]

الله يجزاك بالخير اختي
بس انا حبيت اعرف كل وحده ولدت كيف كانت مصداقية الموعد معاها للاحتياط فقط لا غير
وانا اختك مو بكيفي غصبن عني مضطرة اسافر للقرية بس عشان شخطت توقيع
الله المستعان ويسترها علينا يارب

[دنيتي امي]

هلا اختي انا موعد ولادتي مثلك حددته دكتوره في 16/8 ولما حسبت بالنت طلعلي 5/8 الله يقومني بسلامه وانت بعد للمعلوميه انا بعد بكر وحابه اعرف.

[آلهنوف]

الدكاتره ياقلبي يعطونك اخر يوم لك بالتاسع .. ممكن تولدين قبل بأسبوعين او بنفس اليوم

بس الاهم ان اذا ماولدتي قبل التاريخ المحدد يعملولك تحريض ولاده او قيصري

[أم ولاء]

أنـآ بحملي الاول حددو لي 5\9 وولدتـ 3\9
يعني لا تجآزفينـ وتروحينـ ماتدرين وش يصير ..

[روز55]

في حملي الاول حددت لي 18/5 وولدت 8/5

والثاني 24/7 وولدت 13/7

ويختلف من وحده لثانية

[ياحبيبي يالله]

بالنسبه لي ماقد حددو موعد وضبط معي دايم اولد قبله باسبوعين
ماعندهم سالفه

[عروسه]

الله يجزاكم بالخير اخواتي الغاليات
يعني اللي فهمتو منكم
ان بعضهم قدمت اسبوعين وبعضهم قدمت كم يوم
بس مافي وحده أخرت
معناتو انتظر الولادة من متى بالضبط ؟
اختي دنيتي امي الله وناااااسه فيه وحده مثلي بنفس الموعد يارب يسهلها والله اني خايفه الدوام هذا مصيبه وانا شايله همه من الان
لان لازم اروح اوقع اول يوم وبعدين مو مشكلة اخذ مرضي من مستشفيات وادبر اموري
ادعولي ربي يسهلها حتى اليوم زوجي يخاصم خايف يوديني واولد في الطريق كلنا شاااااااااااايلين هم بقوة

[عروسه]

تتوقعوا في مجال أولد بنهاية شهر 7 ؟
اكون وقتها دخلت التاسع وش تنصحوني استخدم شيء يحرض الولادة
لأني لو ولدت بيوم 20\ 7 او قبل برتاح من هم المشوار لكن بعده هو المشكلة