من جرب الدكتور بندر العبدالكريم بالحمل

جود4501 · 06-19-2013, 01:32 AM

متزوجه لي سبع سنوات وماحملت وقالولي تحتاجين طفل انبوب واخذت موعد بمركز بنون عنده
مين جربته الله يعافيكم
يمدحونه مره ويقولون انه يشتغل بالعسكري ومركز بنون
كيف تعامله تكفون محتاره ردو علي

جود4501 · 06-19-2013, 01:36 AM

ردو علي الله يخليكم موعدي الخميس

Orchid109 · 06-19-2013, 08:11 AM

حبيبتي استخيري الله والله يوفقك
وانا سمعت انو صاحب المركز هذا جايب اطباء مقتدرين ومتميزين

أشجعك تروحي عنده
وإن شاء الله تحملي على أيدة
موفقة

أمل الأمومة · 06-19-2013, 03:32 PM

طيب حبيبتي إيش مشكلتك علشان الدكتور قررلك أطفال أنابيب؟؟؟؟....ونصيحة مني روحي ﻷكثر من دكتور وأستخيري والله يكتب لك الخير يارب
الله يرزقك بالذرية الصالحة يارب

يارب ارزقني طفلاً · 06-21-2013, 03:57 PM

مركز بنون يضم افضل الاستشاريين باشراف الدكتور عبدالعزيز الشهراني بالنسبة للدكتور بندر العبدالكريم انضم لهم قبل اسبوع تقريباً قرأت تجربه لوحده عملت عنده لما كان بالحبيب ومن فضل الله ثم خبرة الدكتور رزقها الله بالحمل يارب في هذا اليوم الفضيل يرزقني ويرزقك بالذريةالصالحه وكل محرووم

سجلت عشان ارد ع تساؤلك لاتنسيني من دعائك اختي

جود4501 · 06-22-2013, 10:02 PM

ياربي طيب وش اسوي معقوله ولا أحد سواها عند هالدكتوروجربه لا في العسكري ولا في بنون
أنا الصراحة زرته في العيادة الأسبوع الماضي و حسيته فاهم بس ودي أخذ رأي أحد جربه
بلييييييز ردوا علي

جود4501 · 06-22-2013, 10:24 PM

يارب ارزقني طفلا
اشكرك حبيبتي ماقصرتي الله يفتح عليكي ويرزقك ماتتمنين يارب
انا بصلي استخاره قبل لا اروح الدكتور
واتمنى تحطون تجاربكم مع اي دكتور لعل الله يفتح علي وعليكم ويرزقنا ويكون هالموضوع فيه خير لي ولكم

رزان عبدالعزيز · 06-26-2013, 12:35 AM

اكتبي اسمه في قوقل فيه وحده كاتبه تجربتها الناجحه معه

وله حساب في تويتر

اذا كنتي تقدرين تروحين له العسكري احسن. اوفر لك

انا جربت الشهراني ورزقت على يده والحمد لله

جود4501 · 06-27-2013, 02:54 AM

مشكوره حبيبتي والله يرزقك يارب
قرات تجربه وحده بعالم حوا وتحمسحت لها كثير وانشالله بروح على موعدي الخميس وارتحت اكثر لما رحت مركز طبي امس كان عندي شويه التهابات وقلت بروح الدكتوره واعالجها قبل عشان اكون جاهزه لاي شي
الانتظار كان مليان وسمعت وحده تمدح بالكتور بندر العبدالكريم وتقول زوجه عمها سوت عنده والله رزقها بنت
الله يتمم عليها ويرزقنا جميعا والله الاطفال نعمه من ربي لاتنسوني من دعاكم
بس انا عندي غده تتوقعون تاثر على الحمل مع اني اخذ ثايروكسين

عائلتي حياتي · 06-27-2013, 05:31 AM

حبيبتي اتكلي على الله ولاتترددي الدكتور بندر العبدالكريم استشاري بالعسكري ومعروف جدا واخلاق
وله فتره يشتغل بالخاص كان بالحبيب والحين ببنون مع الدكتور عبدالعزيز الشهراني
اختي حملت بعد الله على يد الدكتور بعد حرمان تسع سنين من الكر والفر والتعب والمصاريف والسفر هنا وهناك والله عوضها ولله الحمد وحملت الله يتمم عليها ويكتبلك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماسكات البيكنج بودر 2013 ، البيكنج بودر للاسنان 2013 ، تنظيف الاسنان	اطفالي حياتي	الموضة و الجمال	0	04-29-2013 05:03 PM
خلطة الليمون والبيكنج بودر للبشرة 2012 ، قناع البيكنج بودر ، ماسك ليمون وبيكنج بودر2	crazy girl	الموضة و الجمال	0	09-20-2012 04:21 AM
رجيم الدكتور يوسف الخضر ، دايت الدكتور يوسف الخضر ، نظام غذائى من الدكتور يوسف الخضر	بسملة123	قسم التغذية	0	08-05-2012 03:07 AM
رجيم الدكتور خالد دراهم ، نظام غذائى من الدكتور خالد دراهم ، دايت الدكتور خالد دراهم	بسملة123	قسم التغذية	0	08-02-2012 02:43 PM
مركز الدكتور عبد الرحيم قاري ، هاتف مركز الدكتور عبد الرحيم ، فاكس مركز الدكتور بارى	حب العمر	إستفسارات المستشفيات و عيادات نساء وولادة	0	07-03-2012 12:18 AM