بكريه جزاكم الله خير

[حنين 24]

صبآحكم ورد كيفكم
انا بكريه وحابه استفسر انا بالأسبوع الثالث من التاسع رحت امس المستشفى وقالتلي الدكتوره الرحم طري بس لسى مو مفتوح
ايش يعني الرحم طري ومتى بعده تكون الولاده بأمر الله
اليوم صحيت احس بآلام مثل الدوره
وايش رايكم متى اروح المستشفى
ودعواتهم بتسهيل الولااده

[!اميرة الورد!]

عنق الرحم صار طري يعني اصبحت قريب الولادة ان شاء الله


ولاتروحين للمستشفى الا اذا صار المغص متقارب يعني كل خمس دقايق

كل نص ساعة يعني المسافه بينهم منتظمة او جاك دم او انكبت مويا

وترا حالي من حالك بكريه بس هذا اللي فهمته من البنات هنا

[ميمي 17]

الله يجيب الي فيه الخير
مثل ماقالتلك الاخت الي قبلي

[ام وليد2005]

مثل ما قالت الأخت " أميرة الورد" بالاضافة عليك بالمشي نصف ساعة كل يوم وأكل التمر
وممارسة الجماع حتى يفتح عنق الرحم
اتمنى لك ولادة سهلة انت والأخوات
تقبلي مروري

[sweet1234]

في العاده يكون عنق الرحم قاسي لاكن اذا اقترب موعد الولاده يصير طري يتهياء لمرور الجنين منه
متى تروحي المستشفى؟؟؟
طبعا اعراض الحريم مو سوا
1- نزول ماء الجنين
وهذي كثير من الحريم تيجيها بدون الم او اي شي تينزل فجاءه
لاكن لا تخافي مو معناها انو خلاص بتولدي فلحظه
اذا نزلت المويه عيري والبسي شي واسع وخذي شنطتك وروحي المستشفى بتكون الولاده بعدها من ساعات الى يوم
2- سدادة عنق الرحم
هذي عباره عن افرازات كثيييفه تخرج من المهبل تلاحظيها بقووه يعني مو افراز خفيف ولا رطوبه
لا عباره عن افراز كثير زي العصب تقريبا اذا مسحتيه بالمنديل بتحسي بيه وانتي تشديه من جوا واحيانا يجي معاه زي عرق دم
وهذي بعد لو جت بتكون الولاده بعدها بساعات او يوم
3- الحشره
هذي علامه ممكن تحسي فيها بدون مغص او طلق تحسي بزي الحشره تضغطك يعني تحسي انك محششووووره وتبغي الحمام زي الضغط من ورا واحيانا ما تقدري تجلسي ( زي الامساك ) الله يكرمكم
هذي علامه للولاده اذا حسيتي فيها بيكون الولاده بعدها بساعات
4- الطلق
وهذا عباره عن مغص متكرر مع الم في الضهر وحشره ولازم تكون الطلقات متقاربه يعني اذا المستشفى قريب منك اذا صار بعد كل طلقه وطلقه 15 دقيقه روحي للمستشفى


والله يسهلك من عنده
اذا لقيتي رطب كلي منه بس مو بالبيت اذا قدك بالسياره
انا جربته وعلى طول بعدها بربع ساعه الله سهل لي

[أسيرة زوجي]

معناه طري يعني ممكن يفتح في أي لحظة و بإمكانه الاتساع

إن شاء الله تكوني ولدت بخير و سلامة يا رب

[حبيبي عمور]

الله يقومك بالسلامة