حبيب ماما وصل<< ماكان وده يجي

[ss123]

ابشركم ولدت باحلى حمودي في ليلة 27 او 28 مدري
المهم قصة ولادتي كان يوم الاحد 26 رحت للدكتوره وانا قد خلصت التاسع من خمسة ايام والله تقولن انها ما قربت ولادتي ابدا ولا اي الم ولاشي المهم لما شافتني قالت تنويم وباعطيك جرعه طلق صناعي قليله الرحم مفتوح 2 سم قلت خلاص بس مو الحين بكره قالت اوكي واطلع من عندها ماني عارفه وش اصلح المهم استخرت ربي وبعد ما فيه اي احساس بالراحه او خوف و انام الى صباح الاثنين واسرح لها ماقد داومت <<نستعجله ع الولاده ماهي عارفتها..
ولما قاست الرحم قالت 4سم مافيه روحه بالمره وانا استسلمت ابغى اولد بسرعه وثانيا الجنين كبر حجمه
ويالله تنويم وتخطيط وابدا ماحسيت بهذا الطلق اللي اقرا واسمع عنه في كل مكان بس الجنين يتحجر تحت اضلاعي وباعلى بطني شوي وبعدين يهدا
ومن صباح الى الليل ولما داومت في الليل ولقتني ما قد ولدت قالت اقول هيا انزلي معي تحت واطلع من عند زوجي احر ما عنده ابرد ما عندي هو خاف ويرجف وانا اسابقهم الى تحت
وووووووووو دخلت غرفة الولاده واشوف انواع الادوات والاجهزه وما فيه شي هناك الا وسالت وش هذا له وكيف يستخدم وحطت لي في المغذي جرعة طلق وبعد نصف ساعه وبديت احس بالم تحت وخلتني من الساعه 8 الى 11 وانا ادعي ربي وارقب الحريم اللي حواليني واسمع صراخهم ولما شافتني قالت خلاص ولااااااده والا هنا اكثر من خمس ممرضات وهي و معاها الدكتوره الثانيه لما شفتهم قلت والله ان عندي علوم واشتد الالم معي نصف ساعه وقدرت اتحمله وبعدها نصف ساعه فيها عرفت سكرات الموت اللي نسمعهم يقولونها
ويوم قرب الولد يطلع برد الطلق وهديت بس هنا خفت ع النونو صرت ادفع من حالي بدون طلق ووسعت توسيعه كبييييييره وما طلع اخر شي طلعت معي ممرضه ع السرير وجلست تضغط على بطني من فوق وانا ادفع والا اسمع صوت النونو نسيت كل الالام اللي اخذتها من تسعة اشهرالى الساعه 12 وخمس دقائق ليلا يوم الثلاثاء<<وقت الولاده
بس كل الحمل والولاده في كفه والخييييييياطه في كفه
اللهم ولك الحمد والشكر
سميناه محمد والله الى الحين وانا تعبانه من الخياطه صار لي اكثر من 15 يوم
عقبااااااال كل من تنتظر النونو الله يسهل عليكم

[~~لحن الحياة~~]

الحمد لله على سلامتك وسلامة حمودة
الله يخليلك ياه ويتربا بعزك وعز ابوه

[توفيه الفوشيه]

حمداالله على السلامه والف مبروك والله يعينا باقي دورنا

[كروزه]

الحمد الله على سلامتكم

[احبك ماما]

الف الف مبروك النونو وتربينه في عزك ودلالك ...

اي صادقه الخيااااطه شي مرير ...انا لي والده شهر ونص ولين الحين وانا اعاني منهااا ...جاتني حاله اكتئاب بسبتهاا
..

ربي ياجرناا ع بلوانااااا ...

[قمر ليالي مكة]

الحمد لله على سلامتك

[شموسه]

الف مبرووووووووووووووووووووووك

[ملكة المشاعر]

الحمدالله على سلامتك }...

يتربا بعزكم حـــــــــــــمودي}...

[يــارا]

الحمد لله على سلامتك وسلامة حمودة
ويربى بعزكم ودلالكم

[نوادر]

حمد لله لى السلامه والف الف مبررررررررررررررررررررررروك
الله يخليه لكم