ولادتي باحلى عبدالله الحمدلله يارب

[SaraKh]

سلااام كرووشاات و امهات المستقبل :)

معليش عالتاخيييير بس يااادوب مع البيبي الجديد الوحده تفضى شويه تكتب عن تجربتها مع الولاده :)

انا ولدت الحمدلله يوم 2 فبراير الدكتور كان قلي انو مووعدي 20 فبراير يعني ولدت و انا داخله فالتاسع ليا اسبوع تقريبااا

كلل شيي حصل فجاااه صحيت يوم الاحد الساعه 9 الصباح عشان جوني شغالات يساعدوني فالبيت
وانا اشيل واحط معاهم بس على خفيف طبعا المهم ...
فجاه وانا اشتغل احس بالم اسفل ضهري يشدد ويوقف يشد ويوقف قلت خليني اسال ماما اتصلت عليها تقريبا الساعه 10 و نص قلتلها كدا حصل قلتلي ما اظن ولاده بس انتي برضو احسبي بين كل وحده ووحده قلتلها طيب و نسييييت

بعد مده فجاه جاني الم فبطني و ضهري خلاني اسجججد ههههههه الشغالات انفجعو سارو يمسكوني و يجلسوني عالكنبه و حده منهم سارت تعملي مسااج فضهري تقلي البيبي قريب هههههه كان نفسي الطشها اقلها ترا مو وووقتك تخوفيني !!!

المهم بعد الالم القوي قلت فنفسي خليني استحي على دمي واحسب
بس حسبت بين 3 وجعات الا بينهم 3 دقاااايق بسسس !!!!!!!!
الحمدلله ان زوجي اصلا كان قريب من البيت بيخلص امور غرفة النونو كلمتو جا البيت قلي بسرعهالمستشفى قلتلو مو نكلم الدكتور اوول احسن ( لانو عثمان سندي فعياده خارجيه نكلمو ويجي فقيه ويولدني ) قلي مااافي رايحين المستشفى

دخلنا المستشفى والحمدلله يارب كان الوضع جداا ممتااااز المستشفى مرره مهتميين فيا و معاملتهم مرره كويسه وسريعيين الحمدلله ما يرفعو الضغط !!

المهم بس دخلت غرفة الطلق تقريبا الساعه 11 ونص او 12 الا ربع مني فاكره جات دكتوره كشفت قلتلي مويتك نزلت قلت لا .. قالت الا نازله ههههه و5 سانتي وانا بدات ارقص قلتلها ابغا ابرة ضهر دحيييين قالت طبعا بس لازم تفتحي ملف !! زوجي خرج راح يفتح ملف مافي ساعه بالكتير ودوني غرفة الولاده جا زوجي كشفو لقو 10 خلاص و انا عصصصبت ما يلحقو يدوني الابره خلاص !!! وزوجي عصب عشان ما لحقو هههههه

بس ما لحقو يعطوني اي شي تخديير يعني طبيعي ميه بالميه هههههه

الحمدلله عالساعه 2 شرف حبيبي عبدالله الله يحميه يارب

ودكتوري مالحق الولاده مع انو كان فالطريق جي بس جا كنت توي والده هو خيطني والحمدلله خياطتو جدااا نظيفه الحمدلله ما حسيت باي الم بعد الولاده مرره مريح الحمدلله :))

معلييش طولت عليكم بس حبيت انقلكم القصه بكل التفااصيل هههه عشان انا عارفه البنوتات اللي قريبه ولادتهم يقراو و يرتاحو نوعا ما :)

عقبال كل وحده ولادتها قريبه يارب تولد ولاده سريعه ... الكل يقلي ولادتك سهله احب اقلكم ما كانت سهله ابدااا لانو طلقي كان ورا بعض مافي راحه االم شنييع بس الحمدلله كان سريع عالاقل

الحمدلله على كل حااال :)))

[farfocha]

مبروك يااختي ولادتك جميلة وسهلة وسريعة يا بختك ، عقبالنا يااارب ، الله يحفظلك عبدالله

[ام مريم ورحمة]

الف مبروووووووووووك حبيبتي والله يبارك بعبد الله ويجعله من الصالحين ويرزقك بره اللهم ااامين وعقبالنا يارب

[أم زياد و أميرة]

المشاركة الأصلية كتبت بواسطة farfocha

مبروك يااختي ولادتك جميلة وسهلة وسريعة يا بختك ، عقبالنا يااارب ، الله يحفظلك عبدالله

الف مبروك اختي سارة يتربى فعزك الاسم حلو ما شاء الله
اختي فرفوشة روححي ربنا يجيب ليك ولادة ساهلة و سريعة و غدا ان شاء الله قولي امين ههه

[ورد جوري82]

حمدلله ع سلامتكم
بس كيف طبيب يخيطك احس بخجل
ربي يغطيك العافيه وبيبي

[zainaby]

مبروووووووك
وحمد لله على سلامتك و سلامه عبد الله
الله يسهل علينا الولاده يا رب

[SaraKh]

المشاركة الأصلية كتبت بواسطة سكر صلاله

حمدلله ع سلامتكم
بس كيف طبيب يخيطك احس بخجل
ربي يغطيك العافيه وبيبي

هههههههه حبيبتي انتي فوضعك اللي تكوني فيه فالولاده صدقيني لو جده كلها اتفرجت عليكي ما حتكوني اصلا مركزه انا لدرجة اني مني فاكره كم شخص كانو فالغرفه ممرضات و كدا ..

[SaraKh]

الله يسلمكم حبيباتي وعقبالكم ياارب بولادات حلوه و سريعه يارب

[ام دحومي1]

حمدا لله ع السلامة والف مبروك البيبي
ولادة سهلة ماشاءالله

[حياتي توأمي]

ألف مبروك
وحمد لله عالسلامه انتي وعبد الله ويتربى بعزكم يارب