( من صغري وأنا أهز رجلي لا شعورياً ) هل من حل ؟!

[79ooni]

*




السلام عليكم ورحمة الله وبركاته ..
أتمنى تكونون بخير جميعاً يا بنات :*


موضوعي واضح من العنوان :
أعاني من هزة الرجل اللي ملازمتني من لما كنت صغيرة، تعبت يا بنات لدرجة إني جربت كل شي،
قالوا لي إذا هزيتيها وتذكرتي اضربيها، وناس قالوا لي حطي رجل على رجل علشان تعيقين حركة الهز، قالوا لي بعد كل ما هزيتي وحسيتي بهالشي قومي وقفي، وناس قالوا لي سوي حجامة ..
تعبت يا بنات وصلت لمرحلة إني إذا تذكرت ووقفتها تعورني رجلي يعني أصير أبي أهزها علشان يروح العوار اللي يجيني وتحديداً بالركبة ..

كل شي في الحياة جربته، ما استفدت، لحد يقول لي روحي عند طبيب نفسي رحت وقعد يتسأل ويقرقر على راسي من غير فايدة !

عطوني حل تكفون تعبت وربي، لدرجة الحين وأنا أكتب لكم مسكت نفسي شوي وبعدين فجأة شفت نفسي أهز لا شعورياً ..
بنات أنا توني متزوجة وأخاف إذا ربي كتب لي الحمل ما يثبت بسبة هالـ هَز ..

اللي بتعطيني حل ولا حتى بترد علي تبشر بالدعوات :*
والله ينولني وينولكم ما نتمنى عاجل غير آجل يارب ..