أفيدوني وساعدوني أعيش في صراع بين كلام الدكاتره ونفسي .. منو صارت مثل حالتي

[روحـ الياسمينـ]

السلام عليكم ورحمه الله وبركاااته ...

كيف حالكم ياحواامل ..

منو مثلي مرت بالحاله هااذي حاله عويصه ...مو عارفه متى تاريخ الولاده بالضبط .. ودكتور استشاري يقول بنهايه صفر ودكتوره بمستوصف حكومي بكل موعد تقول لي تاريخ ولاده غير وآخر شي قالت لي بنص ربيع أول .. والسبب لخبطه الدوره . بقول قصتي وتحملوني شويه ...




أول يوم من آخر دوره جاتني 7/ 5 / 1433
خلصت منها 13/ 5 / 1433

موعد الدوره الثااني بشهر 6
بالضبط تاريخ 6/7/ 1433 نزل علي دم قليل ومتقطع لمده 3 أيام
ووقف . أنا استغربت قلت يمكن عاادي بترجع لكن لا ..

طول شهر 6 وأنا أعمل تحليل منزلي مافي حمل .. رحت للمستوصف تحليل دم وبول مافيه شي تحليل سلبي .. عطوني موعد برجب يمكن يببان شي قالوا كيس بدون جنين واحتمال اجهاض وغسيل أو ينزل لحاله .. وتعالي بعد اسبوعين على نهايه رجب تاريخ 22 بان الجنين صغير مرره .

حولوني لمستشفى الولاده على أساس يتابعوني هنااك لأنهم مش عارفين لي .. وعند الاستشاارين أنفسهم ماعرفوا لي وعطوني موعد ولاده غير ودكتوره أستشاريه تقول حسبي لحالك متى تولدين سلامات أحسب لحاالي .. حولوني لاستشاري ثاني عمل لي سونار وقال في فرق شهر بين تاريخ الدوره وعمر الجنين ( هذا الكلام تاريخ 5/11 عمر الجنين 11 اسبوع ) والدم اللي نزل عليك في موعد الدوره الثاني أعتبره دوره

وتتوالى المواعيد وفجأه يقفلون ملفي يقولون تابعي بمستوصفك أمورك تمام .. << سلاماات رجعنا للستوصف غيرت موعد الولاده الى 22 صفر والموعد اللي بعده تقول لي بربيع .. وبعدين ترجع تقول بصفر .. ومره تقول نهايه التاسع ومره تقول طوفتي شهرك وترجع تقول توك بدايه التاسع

h waml93

واللحين طوفت موعد الولاده اللي ماعطيني 3 اياام .. هذا ان كانت ولادتي بصفر .. وان كانت بربيع الله يسهلهاا طفشت بجد .. والموعد الثاني المقترح 17 ربيع اول . ودي أروح المستشفى وأخاف يمسكوني تنويم وطلق صناعي ومادري ايش لأن الدكتوره جابت لي قلق نفسي أولد بعمليه .. وعندي موعد الاسبوع الجاي

غير البشر الاغبيااء اللي يسالون ماولدتي متى ولادتك ... واللي منقهر ليه ماخبرته من بدايه حملي وكل مره قاطين علي تنحيزاات غبيه ويسال غيره .. وانا اللحين متوتره ونفسيتي تعباانه ... ولا عندي أحد أمشي ويااه على أساس ان الدكتوره المصون قالت لي أتمشى كل يوم نصف ساعه ,,
زوجي أختبارات واهلي مشغولين فكرت أتهور وأمشي على جهاز الرياضه بس خفت وأنا اللحين اعيش موجه صرااع وصياح بالكيالوا

عطوني حل ... قبل لا استخف

[حياتي توأمي]

ياحبيبتي والله ماعندي فكره
الله يسهل أمورك ويهونها عليج وتولدي طبيعي ان شاء الله
بخصوص اللخبطه تصير مع الجميع
يعني دكتورة تعطيكي تاريخ ولادة معين ودكتورة ثانيه تعطيكي تاريخ مختلف
واحترنا بين التواريخ
اتركيها على ربك وتوكلي على الله
ماراح تولدين إلا باليوم اللي الله مقدرنه وكاتبه لكي
والجنين لما يكتمل راح ينولد يعني مستحيل ياخذ اكثر عن وقته 9 شهور بالتمام ولو زاد اسبوع اسبوعين مو اكثر


بالتوفيق ان شاء الله

[فارما جيرل]

انتي حهزي حالك للولادة وكوني مستعدة يعني قصدي شنطنك وشنطة البيبي وبس تحسي بالام المخاض روحي لمستشفى واكيد ما رح تولدي الا باليوم الى ربناكاتبلك تولدي فيه بعدين هانت سواء صفر او ربيع اول

وربنا يهونها عليكي اكتر واكتر

[غصن مايل]

انصحك بدعاء وصلاة قيام الليل وادعي ان الله يفرجها معك وتولدين في وقت الصحيح وتكوني بخير انتي وابنك ان شاء الله

[Wasan,]

اهم شي انج بتاسع والجنين بخير وصحه ويكبر ووضعه تمام .. الله يسهلها عليج ويكتب لج ولاده سهله ميسره ..

[سكون الفجر]

انتظري لين ماربي يكتب لجنينك الخروج
ويخرج وتفرحي فيه
الله يسهل عليكي وعلينا

[ام مريم ورحمة]

شوفي مادام وزن الجنين كويس والنبض طبيعي والحركة والماء حواليه مظبوط لا تخافي وبتولدي في وقتك ان شاء الله