كلوميد+ابره تفجيريه

[Alooy]

مرحبا بنات
انا حلمت واجهضت اول ماتزوجت ومن بعدها ربي ماكتب لي حمل ودورتي دوم متخربطه ورحت للدكتوره سويت تحاليل وسونار قالت كل شي اوكي واعطتني دوفاستون وكلومييد قالت الدوفاستون خمس ايام بعدها تنزل الدوره ومن ثاني يوم حبتين كلوميد الصبح والليل ورحت بعد الدوره قالت لي تبويضك ممتاز ان شاءالله يحصل حمل وماحصل لكن لاول مره في عمري تنزل الدوره بنفس التاريخ ورحت وقالت تبويضك اوكي تعالي يوم 12 اعطيك ابره تفجيريه واخذت وقالت الجماع بعد 12 ساعه لمدة يومين وبعدها يوم ورا يوم وانا اليوم الرابع من الابره واحس اني ماراح احمل ماعندي اعراض اوالم او افرازات بس اول ماخذت ابره نزلت افرزارت تبويض بعدها جفاف
بنات ابي تجاربكم ابي اعرف شسوي زهقت ومالي خلق مستشفى وزوجي قايل راح يسوي تحاليل لو نزلت الدوره وانا خايفه من هالتحاليل تقلب حياتنا من راحه الى هم وضيقه لان مجرد ماسويت تحاليل وطلعت سليمه وحربنا شهرين احمل بعد التحاليل وماحصل واهو متضايق. ويقول ان اكيد هو في شي وانا مابي حياتنا تنقلب ادعوا لي يابنات بالذريه ادعى لي بحمل تام هالشهر ،،، وقولوا تجاربكم

[Red Ros]

ان شاء الله نكون حوامل الشهر دا يارب

أنا زيك ماخده كلوميد وابره تفجيريه ودوفيستون وحاسه دحين انو الدوره حتجيني حتجيني

الحمدلله على كل حال
الحمدلله


يااارب نكون حوامل يارب
الله يرزقنا ويرزق كل محرومة

[Alooy]

المشاركة الأصلية كتبت بواسطة red ros

ان شاء الله نكون حوامل الشهر دا يارب

أنا زيك ماخده كلوميد وابره تفجيريه ودوفيستون وحاسه دحين انو الدوره حتجيني حتجيني

الحمدلله على كل حال
الحمدلله


يااارب نكون حوامل يارب
الله يرزقنا ويرزق كل محرومة

وانا بعد قاعده اخذ دوفاستون وفوليك كم يوم خذتي الدوفاستون ونتى قالت لك توقفينه ومتى موعد دورتك
ويارب تكونين حامل الله يرزقنا ويرزق كل محرومه

[Red Ros]

المشاركة الأصلية كتبت بواسطة alooy

وانا بعد قاعده اخذ دوفاستون وفوليك كم يوم خذتي الدوفاستون ونتى قالت لك توقفينه ومتى موعد دورتك
ويارب تكونين حامل الله يرزقنا ويرزق كل محرومه

دا عاشر يوم ليا
وموعد دورتي بعد يومين

سويت تحليل رقمي ومافي حمل

ان شاء الله خير
عموما مني حاسه باي أعراض

[يآ أرحم الرآحمين]

ربي ييسر أمرك حبيبتي و تكوني حامل
تفاءلي خيرا ... حتى لا قدر الله اذا زوجك تحاليله فيها شي لكل داء دوااء يعني ليش تنقلب حياتكم !!
يارب تطلعي حامل دا الشهر و ماتحتاجي لأية تحاليل

[Alooy]

المشاركة الأصلية كتبت بواسطة سلطانة زماني

ربي ييسر أمرك حبيبتي و تكوني حامل
تفاءلي خيرا ... حتى لا قدر الله اذا زوجك تحاليله فيها شي لكل داء دوااء يعني ليش تنقلب حياتكم !!
يارب تطلعي حامل دا الشهر و ماتحتاجي لأية تحاليل

مشكوره حبيبتي انا عارفه هالكلام بس هو صاير على طول متضايق وزهقان ويفكر وخايفه.

[ahlam-f]

ان شاء الله ياارب تكوني حاامل

[Um Ghala]

ان شاء الله تكونين حامل .. تفائلو بالخير تجدوه ان شاء الله ..

[شوااق]

حبيبتي مادام انك سبق وحملتي فبإذن الله انتي وزوجك ماعندكم مشاكل

قولي الحمدالله على كل حال واستغفري ربك ولاتيأسي من رحمة الله انه على كل شيء قدير

خلي زوجك ياكل عسل كل يوم صباح وانتي كمان كلي واذا جتك الدورة كلي رشاد كويس لتنظيف الرحم

وبإذن الله تبشرينا قررريبًا

وربي يرزقك ويرزقني وكل مسلمة يارررب