قصة ولادتي بابني البكر أنس

[sama7douce]

السلام عليكم

قاعدة من ساعة و أنا أقرأ في قصص ولادتكم و كل شوية أبكي مع كل قصة ( خخخخ حساسة الأخت )
و تذكرت يوم ولادتي بأنس حبيب عمري و حياتي كلها..ربي يخليهولي

كان المفروض ولادتي تكون يوم 1 من شهر 1 و ما جاني لا طلق و لا غيره..كنت بعدها بيومين عند أهلي و الا ماما الله يكرمها تتصل بوحدة نعرفها تشتغل في المستشفى و قالتلها خليها تجيني بعد يومين ..و أنا من بعدها ما عرفت أمسك دموعي من الخوف..و ابكي و كل اخواتي و اخواني يحضنو فيا..ما تخافي كله ان شاء الله يكون هين..والله طالعة من بيت أهلي يومها و كلي نظرات وداع و خليت ماما تبكي
قضيت يومين ما يعلم بيهم الا الله و في ليلة اليوم الموعود ما قدرت اكل و لا اعمل شيء بس أبكييييييييييي..قلت لزوجي لا تنام اتحمم و راجعتلك ..وهو يقولي الله يهديك الوقت اتأخر و لازم تريحي وراكي يوم طويل(المسكين كان نعسااااان و ميت تعب )..اتحممت و رجعت لقيته بخخخخخخخخخخ نايم..زعلت جدا منه..كان حوالي نص الليل رحت اتصلتي بصاحبتي المقربة و قلتلها ادخلي على سكايب مو قادرة انام و انتي ما راح اخليكي اتنام... و ياعيني دخلت و كل شوية اخليها تبكي...المهم نمت 4 ساعات و صحيت صليت الفجر و جهزت نفسي و انطلقنا من البيت الساعة 7..و أنا نازلة سلمت على أهل زوجي لانهم تحتي و ودعتهم و الله كلي دموع...
دخلت المشفى و حاسة اني رايحة المقصلة ..لقيت ماما حبيبتي مستنياني هناك..عملولي تخطيط للبيبي..قالولي ممتاز و الحمد لله..الآن السونار..المفاجأة البيبي ما شاء الله و لا قوة الا بالله وزنه كبيييير و ما ينفع يتولد طبيعي..سألوني عندك سكري قلت الحمد لله لا..و طلعت التحالي الي عملتها من أقل من أسبوع.. و الي جاي ورايح يسب في دكتورتي الي متابعاني انها خلتني للحين و ما قالتلي تولدي قبل ما يزيد حجم البيبي كذا...قلت أروح و أبهدلها بعد ما القصة تخلص لا يكون في خاطركم شي بس ريحوووني....بصراحة فرحت لأنه قيصري قلت بلاه الألم..
ضبطولي أوراق الدخول و الذي منه..بعدها جات الطبيبة المشرفة على قسم القيصري و كان لازم تكشف عليا..قالت لا عادي وزنه صح ما شاء الله بس عادي انه يتولد طبيعي ما دام حجم الراس في حدود المعقول و راحت أكرمكم الله عملتلي توسيع بيدها..أقسم بالله حسيت روحي بتطلع..طلعت من عندها و الدموع مالية وجهي..قابلتني معرفتنا و قلتلها الي قالوه قالت الطبيبات ما يعرفو يعملو توسيع تعالي عند القابلة و هي تعرف أحسن..و عملتلي توسيع تاني..ومووووووووووووووووووووووووووووووت..
المهم ما صرخت..و راحو حطولي محلول يساعد على الطلق ..و جاني الألأم ..وه يا ربي وشذااااااا...رحت لغرفتي و ابتديت أتلوى و أمي و حماتي عند راسي يحاولو يهدوني...ساعتين و جاو كشفو عليا الا فاتح 2 سلنتي..قلت كل هذا و 2...و بعدها تخطيط للبيبي ..و سونار تاني و نفس قصة قيصري و لا طبيعي....و ما اتحسم الموضوع..و بعدها جات دكتورة ثانية و توسيع للمرة الثالثة ..و أنا خلاص أحس اني فعلا اتهريت من تحت وماني متحملة أحد يلمسني..لكن ما باليد حيلة..صابرة و لا صرخت و لا شيء بس دموع و احاول أتنفس و أستغفر و أشرب زمزم..بعدها كانت الساعة 7 ..يعني داخلين على العشا و قالت الدكتورة نكشف لقت 2 و نص ..قالت نحط محلول تاني ..و الا اجت الدكتورة الكبيرة و قالت تعالي..كشف بسونار و جابت دكتور بروفيسور شاف معاها قاللها حرام تولديها طبيعي ..قيصري..و الله كنت راح اقوم اشتمهم ..يعني كل البهدلة و في الأخير قيصري...اتجهزت للعملية و اتصلت بماما و زوجي لانهم كانو في غرفتي مستنيين..و قلت قيصري قالو لا تخافي..و الله ما كنت خايفة من كتر ما تبهدلت..حطولي المقرفة الي هي جهاز البول و كنت متضايقة منها بزااااااف..دخلت غرفة العمليات سألت نصفي و لا كلي قالو نصفي أحسن قلت أوك..و الصدمة اني لقت 2 من الدكاترة رجال..صعب عليا الحجاب..حطولي الحقنة الرهيبة ..اووووووب شويةو رجلي اتخدرت حطولي الشرشف الحاجب و قعدو يكلموني ..واش راح تسميه؟؟ قلت أنس عبد الصمد ان شاء الله..و علاش اخترتي هدا الاسم؟؟ المهم أي كلام يلهوني ..و أسمع الطبيبة تقولي ابنك وصلللللللل..سمعت بكاؤه ..أرووووووووووع لحظة في حياتي..حطوه على صدري و انا ابكي و ما اقول غير يا حبيبي..نسيت كل التعب ( يا رب لا تحرم أحد منهااااااااا يا رب)..كانت الساعة 9 الليل..و بعدها أخذوه و خياطة و طلعوني..و طلعت لقيت ابن عمي لأنه دكتور مستني برا و غطالي راسي بشال كان في ايده.و الأجزاء المكشوفة من كتفي..الله يكرمه..و لقيت عند الغرفة كل أعمامي و زوجاتهم و والدي و حماتي و حماي و كل خالاتي و زوجي الغالي..فرررررررحتت...
الباقي عادي كله ..يغر أول ما يروح البنج و يا لهويييييييييي...وكذلك أول وقوف وه يموت...بس الحمد لله كله بأجره....هه و بس ( كل هذا و بس؟؟؟؟ يا كثر كلامي
ادعولي بتيسير ولادتي الثانية يااااا رب